KATOLSKI    

POSOŁ

Časopis katolskich Serbow
Załoženy 1863

Wudawa Towarstwo

Cyrila a Metoda z.t.

Póstowe naměsto 2
02625 Budyšin

 

 

  Katolski Posoł  

njedźelu,

1. septembra 2019

 

  Übersicht deutsch
  W aktualnym wudaću nańdźeće mjez druhim tole:
   
Čłowjek je čłowjekej wjelk. To pisa awtor zawodneho nastawka tuteje njedźele a złožuje so při tym na słowa jendźelskeho filozofa.
 

     
Biskopaj Heinrich Timmerevers a Carsten Rentzing namołwjataj doraznje k wobdźělenju na wólbach do sakskeho krajneho sejma tutu njedźelu. A rozjasnitaj, čehodla mataj to wažne.  
       
Za nowy misionariski rozmach katolskeje cyrkwje zasadźuje so biskop Heiner Wilmer. Něšto načasne je za njeho přičiny dosć, zo měł so přeswědčiwy koncept k tomu nadźěłać.
 
       
Drježdźansko-Mišnjanski biskop je wučerjam nabožiny na spočatku noweho šulskeho lěta list napisał, w kotrymž jich dźěło pohódnoći. Tule je cyłkowny list.
 
       
Prědowanja přirunuje Zwickauski farar z bikinijom. Wón wozjewja swoje njedźelne prědowanja hižo sydom lět skrótšene na facebooku. Zajim čitarjow je w běhu časa přiběrał. Nětkole je wón je w hinašim mediju wozjewił.
 
       
Njewšědne hudźbne chłóšćenki zaklinčachu we wobłuku „Budyskeho pišćeloweho lěća“ w tachantskej cyrkwi. Wurjadny hrajer z Drježdźan zamó z pišćelemi samo cyły orchester napodobnić.
 
       


1. septembra 1939 je Němska Pólsku nadpadnyła a tak Druhu swětowu wójnu zahajiła. Kak su katolscy biskopja tehdy na to reagowali?
 
       
Budyska ewangelska wosada z mnohimi wsami je so k swojemu lětušemu jubilejej z ediciju takrjec sama wobdariła. Nimo knižneje dožiwichu přitomni tež hudźbnu premjeru. – wjace fotow  
       
„Z Lipicy do hole“ rěka nowa kniha, kotraž skići historiski dohlad do žiwjenja na serbskich wsach. Farar Michał Anders a Pětr Lipič ze Swinjarnje přeradźitaj w njej mjez druhim, što je princesna Mathilde 1899 w Njebjelčicach činiła. – wjace  
       
Ralbičanska wosada ma dźesać nowych ministrantow. Na jich požohnowanju pak dóstachu tež jich starši wosebity nadawk. – wjace fotow  
       
Žadyn puć na mnohich putnikowanjach njebě Křesćanej Hajnkej ze Smjerdźaceje přewobćežny abo přenapinacy. Nětko je so jeho zemske putnikowanje nahle skónčiło.  
       
Skupina Serbow je so tež lětsa na puć z Waršawy do Częstochowy podała. Tute putnikowanje pak bě tónkróć wosebje emocionalnje jara ćežke. – wjace fotow  
       
Dekanatne dušepastyrstwo přeprošuje wšitkich młódšich a staršich na swójbne popołdnjo na Kukowske hrodźišćo. – plakat

 
       
Pokiwy  
       
Serbska protyka
       
A tule móžeće sej Katolski Posoł skazać - tež jako PDF na e-mail  

 

 

 

 

CMS by jan budar media | Alle Inhalte sind © by Katolski Posoł 2008