KATOLSKI    

POSOŁ

Časopis katolskich Serbow
Załoženy 1863

Wudawa Towarstwo

Cyrila a Metoda z.t.

Póstowe naměsto 2
02625 Budyšin

 

 

  Katolski Posoł  

njedźelu,

6. januara 2019

 

 

Übersicht deutsch
  W aktualnym wudaću nańdźeće mjez druhim tole:
   
Sćěhuj wšědnje Betlehemsku hwězdu a pytaj Boha, namołwja awtor zawodneho nastawka. A wón doda, zo wšak so Bóh schowa a sej w tym zwisku něšto wot čłowjeka přeje.  

       
„Bóh je dobry nan a my wšitcy bratřa a sotry“, zwurazni bamž Franciskus hody. Zdobom pokaza na konsekwency toho za wšěch ludźi na swěće.
 

Foto: kna

       
Cyrkej trjeba wobnowjenje, je kardinal Reinhard Marx přeswědčeny. Tež Essenski biskop Franz-Josef Overbeck žada sej debatu wo zakładnych prašenjach cyrkwje. Při tym njeměło hižo žanych prašenjow być, kotrež njesmědźa so wuprajić.
 

       
W španiskej stolicy běše so něhdźe 15.000 młodych křesćanow ze wšeje Europy zetkało. Mysl Taizéskeho zetkanja, kotraž za tym tčeše, běše: Tam, hdźež dowěra rosće, móža so tež ćežke prašenja rozrisać. Zdobom wozjewichu, hdźe ma so přichodne tajke zetkanje wotměć.
 

       

Tradiciju hajił a tola po nowych pućach kročił je Radworski chór Meja. Swój hodowny koncert je wón z młodymi talentami wuhotował. Tola po koncerće je něštožkuli hinak było hač zašłe lěta. – wjace fotow

 

 

       
Nowinskaj rěčnikaj Vatikana staj njewočakowano wotstupiłoj. Přechodny naslědnik je pomjenowany. Wobkedźbowarjo tukaja, kotre přičiny su jeju k tutej kročeli pohnuć móhli.
 

 

 

     

Duchowne a dušine wokřewjenje bě hodowny koncert chóra Lipa w Róžeńće. Młody organist na pišćelach je z měrnymi wariacijemi meditaciju přewodźał a na tute wašnje wuběrnje myslam připosłucharjow pućować dał. – wjace fotow

 
       
Měrny, lóštny a k rozmyslowanju pohnuwacy bě silwesterski nyšpor w Baćonju, kotryž su młodźi hudźbnicy wuhotowali. Wunošk zběrki pak njejsu za sebje wužić chcyli. – wjace fotow
 
       
  „Wy sće eksperća we wodawanju“, přiwoła druhi najwyši dostojnik Vatikana křesćanam w Iraku, kotrychž je přez hodowne swjate dny wopytał. Wón dźakowaše so jim za jich swědčenje wěry w času přesćěhanja ze stron IS-milicow.  
       
  Interviewowani njezhladuja styskniwje do zašłosće. To zwěsća recensent Křesćana Krawcoweje knihi „Sej statok stajić“. – wjace ke knize  
       
  Jako stajnje spušćomneho a diskretneho hódnoćeše wosadny farar dotalneho Chróšćanskeho zwóńka. Tón bu kónc lěta ze swojeje słužby rozžohnowany. Naslědnik je hižo postajeny. – wjace fotow
 
       
  Wón bě horliwy a angažowany křesćan a Serb. Ławrjenc Kmjeć je po sćerpnje znjesenej chorosći na prawdu Božu wotešoł.  
       
  Zamyslić so a wobkuzłać dać so móžachu ministranća a šola Baćońskeje wosady. Wšako su sej wotpowědny film wobhladali a sej wot kuzłarja tójšto pokazać dali.
 
       
  Rakečanski Paulusowy chór tamnišeje ewangelskeje wosady předstaji we Wojerecach z musicalom žiwjenje milionarki, kotraž sta so z křesćanku a wulkej dobroćelku. Zastupne lisćiki měli sej zajimcy sčasom skazać. – wjace informacijow  
       
Pokiwy  
       
Serbska protyka
       
A tule móžeće sej Katolski Posoł skazać - tež jako PDF na e-mail  

 

 

 

 

CMS by jan budar media | Alle Inhalte sind © by Katolski Posoł 2008