njedźelu, 27.10.2019

	Katolski Posoł	njedźelu, 27. oktobra 2019
		Übersicht deutsch
	W aktualnym wudaću nańdźeće mjez druhim tole:
●	Přehlad serbskeho duchownstwa zašłych něhdźe 120 lět podawa awtor zawodneho nastawka tuteje njedźele. Při tym so někotražkuli zajimawostka wujewi. A hladajo na dny wokoło swjedźenja Chudych dušow zwuraznja wón wosebitu próstwu.

●	Konkretne namjety su wobdźělnicy na biskopskej synodźe k Amaconasej podali. Při tym złožowachu so na bamža Franciskusowu encykliku „Laudato si“ a wutworichu nowy pakt.
		Foto: kna
●	Drježdźansko-Mišnjanski biskop wupraja so k demisiji ewangelskeho sobubratra. Zdobom zwurazni, kak je jeho w zašłych lětach dožiwjał.
		Foto: kna
●	Priwatny sekretar emeritowaneho bamža Benedikta XVI. je sej wěsty, z čim so nowoewangelizowanje a pohłubšenje wěry w Němskej zawěsće njeporadźi. Nimo toho wupraja so k financielnym móžnosćam katolskeje cyrkwje w tutym kraju.

●	Swjaty pomocnik we wulkich nuzach a starosćach słyši signal, hdyž duša SOS škričkuje. Cyrkej spomina na njeho w tychle dnjach.
		Foto: kna
●	Zwjazkowy zasłužbowy rjad bu čěskemu teologej spožčeny. Na dnju swojeje tajneje měšniskeje swjećizny před 41 lětami připadnje wuhladany citat Lenina měješe za swoje skutkowanje jako duchowny za cyle přiměrjeny.

●	Z njedawno wušłej zběrku „Z Lipicy do hole“ je so awtorka přinoška dokładnje zaběrała a swoje mysle k tomu napisała. Mjez druhim pochwali wona awtoraj za jeju „małe wuměłstwo“.

●	Sakski katolski zjězd, zajeće Arnošta Barta a stawk w Kulowje su mjez druhim temy přinoška, za kotryž je awtorka w oktoberskich wudaćach Katolskeho Posoła před sto lětami listowała. Tež kriminalku je tam nadešła.

●	Towarstwa Cyrila a Metoda prosy w swojej akciji „Łužica pomha“ wo pomoc za Pólsku a Ukrainu. Z darami chce samostejacy žony z dźěćimi w Ełku podpěrać. Pjenježne dary maja so za wutwar dodźeržaneho domu w Perwomajsku na wosadnicu wužiwać, zo by tam mjez druhim młodźina zetkawanske rumnosće měła. – nadrobne informacije

●	W běhu šěsć lět je mała katolska wosada w ukrainskim měsće chětro rozrostła. Wo swojich nazhonjenjach tam powědaja farar a młodostnej.

●	Po napinacym pućowanju mějachu Radworscy ministranća krasny wuhlad ze Sněžki. A tež dalše zajimawe dožiwjenja mějachu na swojim štyridnjowskim wulěće do Pólskeje. – wjace fotow

●	Fascinowace žórło serbskeje ludowědy je w němskej rěči wušło. W nim dźe wo statistiku łužiskich Serbow, kotruž je student zestajał, po tym zo je dom wot domu chodźił a so ludźi prašał. – wjace

●	Dyrdomdejske dny su šulerjo 5. do 7. lětnika w Durinskej dožiwili. Z Naumburga podachu so na wšelake zajimawe městna. – wjace fotow

●	Powědka Marje Krawcec ze spěwami Marhaty Cyžec je po nimale 20 lětach znowa wušła. Nětko pak na hinašim zynkonošaku. – wjace

●	Pokiwy

●	Serbska protyka

●	A tule móžeće sej Katolski Posoł skazać - tež jako PDF na e-mail