KATOLSKI    

POSOŁ

Časopis katolskich Serbow
Załoženy 1863

Wudawa Towarstwo

Cyrila a Metoda z.t.

Póstowe naměsto 2
02625 Budyšin

 

 

  Katolski Posoł  

njedźelu,

21. měrca 2021

       
 

Předwidźane

swójbne kemše

njedźelu, 21. měrca,

w Róžeńće njebudu.

Kóždy měł w swojej wosadźe kemši hić.

 
       
 

Serbskorěčna Boža mša via livestream:


njedźelu, 21. měrca, w 9.00 hodź. z Chrósćic

 

njedźelu, 21. měrca, we 8.30 hodź. z Kulowa

 

němskorěčne kemše z Drježdźansko-Mišnjanskeho biskopstwa

   

W aktualnym wudaću nańdźeće mjez druhim tole:
  Übersicht deutsch
Što čitanje biblije za nju wosobinsce woznamjenja, pisa awtorka zawodneho nastawka. Při tym wona tež rozłoži, kak je sej knihu spřistupniła a kotre wažne dopóznaće měješe.
 

       

W Kölnje je prawizniska kenclija swój posudk nastupajo padow seksuelneho znjewužiwanja w arcybiskopstwje předstajiła. Tamniši kardinal wozjewi hnydom na to prěnje konsekwency.

 

Foto: kna

       
       

Rozsud Vatikanskeje kongregacije za wučbu wěry nastupajo homoseksuelne pory je jara rozdźělne reakcije wubudźił. K pismu wuprajištaj so mjez druhim Zhorjelski biskop Wolfgang Ipolt a Drježdźansko-Mišnjanski biskop Heinrich Timmerevers.

 

 

       
Wo swjatej a jeje njepřijomnej sobusotře pisa awtor w swojim póstnym rozmyslowanju k dalšemu skutkej duchowneje miłosće. Mjez druhim wón zwěsći, wot koho móžeš za sebje něšto čerpać.  

Foto: kna

       
Serbski wosadny zwjazk njebudźe přećiwo rozsudej Krajnocyrkwinskeho zarjada w Drježdźanach skoržić. Zdobom zetkaštaj so předsyda Domowiny Dawid Statnik a biskop sakskeje krajneje ewangelsko-lutherskeje cyrkwje Tobias Bilz k rozmołwje.  

 

 

     
Wobydlerjo serbskeje starownje móžachu njedawno skónčnje zaso jedyn jim wažny sakrament přijeć. Nawodnica domu přeradźa, kajke je po napjatej situaciji loni nazymu tuchwilne połoženje.
 

 

       

Čehodla je mi moja wěra wažna? K tomu podawa Cyril Hančik z Radworja swoje mysle.

 

       
       
Poslednja Nukničanka, kotraž je wšědnje w narodnej drasće chodźiła, je we wysokej starobje zemrěła. Serbska rěč a wěra běštej jej při zastaranju swójby stajnje wažna zepěra.  
       
Na koho chcetaj při swojimaj přichodnymaj póstnymaj předewzaćomaj spominać, pisataj Hańžka a Feliks. Dźěći tohorunja zhonja, hdy a kak so wěriwi druhich nabožinow posća.  
       
W srjedźišću lětušeho prěnjeho čisła časopisa Sächsische Heimatblätter steji 100. róčnica znowazałoženja Drježdźansko-Mišnjanskeho biskopstwa. Wjace hač stostronske wudaće wopřija tež přinoški serbskich awtorow. – wjace  
       
Spirituelnu zwukowu instalaciju móža wopytowarjo w Rakečanskej ewangelsko-lutherskej cyrkwi dožiwić. W srjedźišću steji znaty psalm. – wjace fotow
 
       
Před 20 lětami přewjedźe so w serbskej wosadźe mision. Widejo wo zakónčacym nyšporje je w interneće přistupny. – wjace  
       
Swjaty steji w srjedźišću lětušich póstnych prědowanjow. W Katolskim Posole je přehlad prědarjow a jich temow podaty. – cyłkowny přehlad
 
       
       
Pokiwy  
       
Serbska protyka
       
A tule móžeće sej Katolski Posoł skazać - tež jako PDF na e-mail  

 

 

 

 

CMS by jan budar media | Alle Inhalte sind © by Katolski Posoł 2008