njedźelu, 27.02.2022

	Katolski Posoł	njedźelu, 27. februara 2022
	Serbskorěčne Bože słužby via livestream njedźelu, 27. februara: w 9.00 hodź. z Chrósćic we 8.30 hodź. z Kulowa němskorěčne kemše z Drježdźansko-Mišnjanskeho biskopstwa

	W aktualnym wudaću nańdźeće mjez druhim tole:	Übersicht deutsch
●	Što měli ludźo w dnjach do popjelneje srjedy činić, wo tym pisa awtor w swojim zawodnym nastawku. Wón pak tež na to skedźbnja, kak měli čas po njej wužić.

●	Wobraz katolskeho měšnika steješe w srjedźišću mjezynarodneho sympozija we Vatikanje. Na zahajenju porěča tež bamž Franciskus.	Foto: kna

●	Biskop František Lobkowicz běše prěni biskop 1996 wutworjeneje Ostravsko-Opavskeje diecezy na Morawje. Nětko je wón na sćěhi dołheje chorosće zemrěł.	Foto: kna

●	Što maja wuhlo, hórnicy a krej zhromadneho? To wuswětla awtor w swojim přinošku składnostnje 70. róčnicy systematiskeje słužby darowanja kreje. – Chrósćicy – Budyšin	Foto: kna

●	Pólscy biskopja starosća so dla prócowanjow wo reformy cyrkwje w Němskej. Swoje mysle zwuraznjeja woni w lisće předsydźe Němskeje biskopskeje konferency.	Foto: kna

●	Pokornje a sćerpliwje staraše so Adelheid Čornakowa wo syłu dźěći w žłobikach, pěstowarnjach a hortach swojeje serbskeje domizny. Nětko je wona na prawdu Božu wotešła.

●	Smjerć bamža Benedikta XV. a krónowanje jeho naslědnika Pija XI. stej dwě temje w Katolskim Posole před 100 lětami. Awtorka rubriki pak je tež hišće dalše zajimawostki namakała.	Foto: kna

●	„Starosće ludźi zeznaješ, hdyž jich z wotewrjenymaj wočomaj a wulkej wutrobu přiwozmješ“, rjekny serbski duchowny. Tele dny dokónči wón swoje 50. žiwjenske lěto.

●	„Z ćerpjacym Knjezom po puću“ rěka hesło lětušich póstnych prědowanjow. Přehlad prědarjow a jich temow je w Katolskim Posole podaty. – wjace

●	Wobsah Katolskeho Posoła lěta 2021 je dozestajany. Zajimcy móža sej dataju w formaće pdf wućišćeć abo so na redakciju Katolskeho Posoła w Budyšinje wobroćić. – wjace

●	Worklečanske młodźinske dekanatne dušepastyrstwo přeprošuje młodostnych, zo bychu sej zhromadnje dźiwadłowu hru „Šěrcec Hanka“ wobhladali. Zastupny lisćiki dóstanu za potuńšenu płaćiznu. – wjace

●	Wužadanja kaž škit klimy abo přichod cyrkwje steja w srjedźišću lětušeho ekumeniskeho póstneho seminara. Hesło prěnjeho zarjadowanja je „Zhromadnje swět wuchować“.

●	Čłonojo Hünfeldskeje oblatskeje swójby přeprošuja w póstnym času na digitalne eksercicije we wšědnym žiwjenju. W srjedźišću steji pjeć čłowječich zmysłow. – wjace

●	Pod hesłom „Harmoniju začuwać“ přeprošuje Budyski klóšter klarisow tež lětsa zaso na eksercicije we wšědnym žiwjenju. W tydźenskich zetkanjach zhladuja wobdźělnicy mjez druhim na sebje samych, na stwórbu Božu kaž tež na žiwjenje a smjerć.

●	Dźěłowa skupina za katolske swójbne kubłanje přeprošuje pory a swójby k wšelakim akcijam w póstnym času. Wone steja pod hesłom „7 tydźenjow lóšo“. – za pory – za swójby

●	W Smochčanskim kubłanišću swjateho Bena ma so ručež móžno městno při recepciji znowa wobsadźić. Požadanja přijimuja hač do 28. februara. – k wupisanju

●	W dekanatnym dušepastyrstwje we Worklecach ma so njewobmjezowane dźěłowe městno w pastoralce za dźěći wobsadźić. Tydźenski dźěłowy čas wučinja 20 hodźinow. – wupisanje

●	Dekanatne dušepastyrstwo dźěći přeprošuje šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot 15. do 19. awgusta. – k přizjewjenju	Foto: Lutz Maertens

●	Pokiwy

●	Serbska protyka

●	Stare cyrkwinske knihi tež ze serbskich wosadow su w interneće přistupne. W nich móžeš tójšto wo swojich prjedownikach zhonić. – stare cyrkwinske knihi (na lupu stłóčić a potom za wosadu pytać)

●	A tule móžeće sej Katolski Posoł skazać - tež jako PDF na e-mail