KATOLSKI    

POSOŁ

Časopis katolskich Serbow
Załoženy 1863

Wudawa Towarstwo

Cyrila a Metoda z.t.

Póstowe naměsto 2
02625 Budyšin

 

 

  Katolski Posoł  

njedźelu,
27. měrca
2022

 

Serbskorěčna Boža słužba
via livestream
njedźelu, 27. měrca:

w 9.00 hodź. z Chrósćic

 

němskorěčne kemše z Drježdźansko-Mišnjanskeho biskopstwa

 
       
  W aktualnym wudaću nańdźeće mjez druhim tole:   Übersicht deutsch
Nowy spočatk njeje bjez smilnosće móžny. Tole pisa awtor w swojim zawodnym nastawku, w kotrymž zaběra so z ewangelijom tuteje njedźele. 
 

       

Ukrainski prezident je ze swjatym wótcom telefonował. Při tym wupraji wón bamžej wosebitu próstwu.

 

Foto: kna

       
Pomocny transport za ukrainskich wójnskich ćěkancow je njedawno dary w hódnoće 100.000 eurow do wuchodneje Europy wotwjezł. Za dalše projekty za Ukrainu nahromadźichu so něhdźe 50.000 eurow. wjace fotow  


       
       

Kóždy štwórtk su dźěći w Ralbicach na křižowy puć prošene. Ze wšelakimi symbolemi rozestajachu so njedawno jara nazornje z Jězusowym ćerpjenjom. wjace fotow


 

 

       

Wěsta próstwa z Wótčenaša zdawa so naraz aktualniša być hač hišće před něšto tydźenjemi. Awtor pak w swojim póstnym rozmyslowanju tež zwěsća, zo njeje z njej jeničce wšědna fyziska jědź měnjena.

 

       

Přičiny a sćěhi wójny na Ukrainje postajowachu debaty nalětnjeje plenarneje zhromadźizny Rady Katolikow w Drježdźansko-Mišnjanskim biskopstwje. W njej zastupjeni su tež štyrjo Serbja.

 

       

Trochu hinašu hodźinu prěnjowoprawjenskeje wučby hač hewak dožiwichu dźěći w Ralbicach. Woni putnikowachu na bliske hnadowne městno. – wjace fotow

 


       
       
Dowolowy cil serbskeho duchowneho zwisuje hižo tójšto lět z jeho swójbnymi stawiznami. Wo tym powědaše wón na zetkanju samostejacych ze serbskich wosadow w Smochćicach. wjace fotow  
       

„Žony myla – a bjez nich nima cyrkej přichod“ rěkaše hesło zarjadowanja Katolskeje akademije Drježdźansko-Mišnjanskeho biskopstwa a Budyskeho Ekumeniskeho tachantskeho wobchoda. Hósć diskusijneho wječora běše wyška Oberzellskich franciskankow, sotra dr. Katharina Ganz.

baseń „frauenfragen“

wjace fotow

 
       

Čas žiwjenja je Marja Kubašec skutkownje blišemu słužiła. Nětko bu dołholětna farska hospoza do wěčnosće wotwołana.

 
       
Prěni pastyrski list biskopa Christiana Schreibera wozjewi Katolski Posoł před sto lětami. Ale tež wo žadosći za měrom so tehdy pisaše, kaž awtorka rubriki zwěsća.  
       

Na třećim póstnym seminarje w Smochćicach předstaji referentka Berlinski mjezynabožny projekt House of One. Nimo zhromadneho zetkawanišća změje dom pozdźišo tež židowsku synagogu, křesćansku cyrkej a moslemsku mošeju pod jednej třěchu.

wjace

wjace fotow

 
       
Na prěnim z dweju modulow kursa JULEICA su sej wobdźělnicy kmanosće nawjedowanja skupin přiswojili. Nimo prawniskich aspektow wobsahuje wukubłanje zabawjace hry kaž tež zhromadne modlenje a spěwanje. wjace fotow  
       
Što maja čłowječe zmysły z njedźelskim wulětom zhromadneho, wo tym pisataj Hańžka a Feliks. Zdobom móža dźěći hru wuspytać, z kotrejž hodźi so swój zmysł tasanja trenować.
 
       
Dekanatne dušepastyrstwo dźěći přeprošuje šulerjow 5. do 8. lětnika w lětnich prózdninach na jězbu do Lückendorfa w Žitawskich horach. Wona wotměje so wot 15. do 19. awgusta. – k přizjewjenju
 

Foto: Lutz Maertens

       
Pokiwy  
       
Serbska protyka
       
Stare cyrkwinske knihi tež ze serbskich wosadow su w interneće přistupne. W nich móžeš tójšto wo swojich prjedownikach zhonić. –
stare cyrkwinske knihi (na lupu stłóčić a potom za wosadu pytać)
 
       
A tule móžeće sej Katolski Posoł skazać - tež jako PDF na e-mail  

 

 

 

 

CMS by jan budar media | Alle Inhalte sind © by Katolski Posoł 2008