KATOLSKI    

POSOŁ

Časopis katolskich Serbow
Załoženy 1863

Wudawa Towarstwo

Cyrila a Metoda z.t.

Póstowe naměsto 2
02625 Budyšin

 
Serbska štučka z „Ćicha nóc“
na onlinowym nyšporje za wšu Saksku
 

Hinak hač najprjedy planowane je nětko tola móžno, zo Serbja jednu – konkretnje druhu štučku z „Ćicha nóc“ na onlinowym nyšporje
za wšu Saksku
, kotryž Drježdźansko-Mišnjanske biskopstwo zhromadnje ze Sakskej ewangelskej krajnej cyrkwju wuhotujetej, 
patoržicu, 24. decembra, we 18 hodź.
w swojej maćeršćinej spěwać smědźa.

To je so hakle w běhu pjatka, 17. decembra, popołdnja dojednało. Zaměr zhromadneje akcije je, zo by po wšěm kraju hodowne poselstwo šěriło.

Štóž chcył we wirtuelnym chórje sobu spěwać, móže sej z internetoweje strony www.gemeinsam-stille-nacht.de přewodźacu hudźbu kěrluša „Ćicha nóc“ na swojim ličaku zawěsćić, druhu štučku serbsce spěwajo jón sam ze smartfonom w prěčnym formaće na widejo natočić a tón hač do póndźele, 20. decembra,
na adresu info@gemeinsam-stille-nacht.de sposrědkować.

Zapodate wideja zadźěłaja so do cyłkowneho chóra, kotryž budźe patoržicu na onlinowym nyšporje na wobrazowce widźeć. Sćěhować móža jón zajimcy na internetowej stronje
www.gemeinsam-stille-nacht.de,
w socialnych syćach a na YouTubowymaj kanalomaj
biskopstwa a krajneje cyrkwje.

 
 
 
 
 
 
 
 
 
 
 
 
 
 

CMS by jan budar media | Alle Inhalte sind © by Katolski Posoł 2008