Katolski Posoł – 12. apryla 2026
Zwobraznjuja listy swjateho Pawoła ideal zhromadnosće prěnich křesćanow? Tole praša so awtor zawodneho nastawka. Wón wopisuje zdobom wuměnjenja, přez kotrež móže tež dźensa žiwa zhromadnosć nastać.
Biskop Heinrich Timmerevers a abatisa Gabriela Hesse staj na rozdźělnymaj městnomaj křižerjow k něčemu napominałoj. Zdobom pak so jim dźakowaštaj. Woboje njepłaći jeničce lětušim 1.360 křižerjam.
Křižerjo swjećachu w Róžeńčanskej swjatnicy dźaknu Božu mšu. Na njej jim duchowny něšto přiwoła, štož měło jich pohnuć, ze sćina stupić a so wobswětlić dać.
Zeleny štwórtk dožiwichu dźěći Worklečanskeje pěstowarnje wuznamny wokomik. Za to so tež wosebiće zdrasćichu.
Nimo klepotanja wulki pjatk a swjatu sobotu je tež něšto dalše za dźěći wulki pjatk dopołdnja po Ralbicach kruty wobstatk jutrownych swjatych třoch dnjow. K tomu podadźa so ducy po wsy.
Hižo 18. raz su sej Serbja a Češa do Varnsdorfa dojěli, zo bychu wulki pjatk křižowy puć pod hołym njebjom kročili. Pola kóždeje stacije něšto zaswěćichu.
Křesćanska šula w Budyšinje zaběraše so cyły tydźeń ze židowstwom. Njewopytachu jenož něhdyše a dźensniše židowske městna, ale smědźachu tež typiskim zynkam židowskeje hudźbneje tradicije připosłuchać.
Njeznate nazhonjenje činjachu młodostni Ralbičanskeje wosady zeleny štwórtk po wječornych kemšach. Nimo zhromadneje wječerje, kaž so wona za čas pracyrkwje wotmě, mějachu woni składnosć, sej něšto sčinić dać.
Jako přihot na firmowanje přebywachu Baćońscy młodostni kónc měrca w Schmiedebergu, hdźež zaběrachu so mjez druhim ze wšelakimi formami spirituality. Za čas přebytka zhotowichu sej něšto, štož změja na firmowanskim dnju při sebi.
Wjesołe popołdnjo dožiwichu swójby na zahrodźe klóštra Marijineje hwězdy. Mjez druhim móžachu sej něšto wudobyć a tež wšelake wjetše a mjeńše zwěrjata pomajkać.
W Nepalu nazhoni młoda Serbowka něšto hnujace, štož wona cyle hłuboko ze staršiskim domom zwjazuje. Zdobom móžeše zwěrjo wobkedźbować, kiž słuša k „big five” Afriki.
Pod temu „(Hišće) zakryte klóšterske pokłady: nowše slědźenja k bibliotece kaž tež archiwej klóštra Marijineje Hwězdy“, přednošuja a diskutuja wědomostnicy z Drježdźan a Lipska. Zarjadowanje wotměje so wutoru, 14. apryla w 19.00 hodź. w Čerwjenej žurli klóštra.
Pod titulom „Pišćele wotamknjene – wotewrjene pišćelowe empory w biskopstwje“ su zajimowani přeprošeni, sobotu, 18. apryla, za kulisami cyrkwinskeje hudźby pohladać a składnosć wužić, kralownu instrumentow zbliska dožiwić. Na akciji wobdźěla so mnohe cyrkwje Drježdźansko-Mišnjanskeho biskopstwa, kaž w Gerje, Zwickauwje, Freibergu, Lipsku, Drježdźanach a Budyšinje.
Z wulkim orchestrom a chórom Budyskeho Serbskeho ludoweho ansambla, z chórami Budyšin, Lipa, Meja a Łužyca, kaž tež ze solistami Danielu Hazec, Stefanie Hauptfleisch, Patrikom Hornákom a Clemensom Heidrichom zaklinči w tutej jónkrótnej konstelaciji předstajenje oratorija „Nalěća“ Korla Awgusta Kocora a Handrija Zejlerja. Předstajenja su planowane pjatk, 24. apryla, w 19.30 hodź. w Budyšinje kaž tež sobotu, 25. apryla, w Drježdźanach a njedźelu, 26. apryla, w Choćebuzu, stajnje w 17.00 hodź. Kartki předawaja mjez druhim online na internetowej stronje ansambla.
Serbske dekanatne młodźinske dušepastyrstwo přeprošuje wšitkich młodostnych na Emmauske pućowanje. Wone budźe štwórtk, 9. apryla, w Sulšecach. Započatk je we 18.00 hodź.
Křesćansko-socialny kubłanski skutk z.t. přeprošuje zhromadnje z klóštrom Marijinej hwězdu na wotewrjenje sezony do Zežiwjenskeho a zeloweho centruma w Pančicach-Kukowje, kotrež budźe 26. apryla w 14.00 hodź. Mjez druhim budźa „štom tutoho lěta“ sadźić a tež za dźěći změja pisany program. Regionalne produkty budźa na nalětnich wikach poskićeć.
Radworske Šmitec-Schwarzec wozydłownistwo přeprošuje na putnisku jězbu k pasionskim hram do awstriskeho St. Margarethena, kotraž so wot pjatka do wutory, 26. do 30. junija, wotměje. Předstajenje budźe tam pod hołym njebjom před kulisu skały. Jězbu přewodźeć budźe farar Gabriš Nawka. Nimo toho poskićuja kołojězby. Zajimcy móža so pola Šmitec-Schwarzec wozydłownistwa w Radworju přizjewić, telefonowe čisło (03 59 35) 28 60. Městna su hišće swobodne.
Dalšu jězbu Radworskeho Šmitec-Schwarzec wozydłownistwa pod hesłom „Wěra zetka hudźbu“ budźe wot póndźele do štwórtka, 10. do 13. awgusta, do Erfurta. Wobdźělnicy wopytaja mjez druhim klóšter awgustinow a tamniši měšniski seminar. Dale wobdźěla so na Erfurtskich domowych swjedźenskich hrach, hdźež předstaja musical „Jesus Christus Superstar“. Přizjewjenja přijimuje Šmitec-Schwarzec wozydłownistwa w Radworju, telefonowe čisło (03 59 35) 28 60. Městna su hišće swobodne.
Młodostni z cyłeho Drježdźansko-Mišnjanskeho biskopstwa su přeprošeni, pěši abo
z kolesom zhromadnje do klóštra Marijineje hwězdy w Pančicach-Kukowje putnikować.
Tam wotměje so sobotu a njedźelu, 13. a 14. junija, zjězd biskopstwoweje młodźiny. Na nim čaka na putnikow pisany program ze wšelakimi dźěłarničkami, modlenjom, spěwanjom a zhromadnej Božej mšu.
Młodostni wot 14 lět kaž tež młodźi dorosćeni Drježdźansko-Mišnjanskeho biskopstwa su na zhromadny kónc tydźenja k demokratiji do Winfriedoweho domu w Schmiedebergu přeprošeni, a to wot pjatka do njedźele, 24. do 26. apryla. Tak zeznajomja so mjez druhim ze wšelakimi móžnosćemi, kak móža na politiskim polu sobu rěčeć a kak wopačne informacije wotkrywaja. Štóž chcył so na zarjadowanju wobdźělić, měł so hač do njedźele, 12. apryla, online přizjewić.
Dekanatne dušepastyrstwo za dźěći a młodźinu we Worklecach přeprošuje šulerki a šulerjow nětčišeho 4. do 8. lětnika w lětnich prózdninach na jězbu do Zhorjelca. Wona wotměje so wot póndźele do pjatka, 3. do 7. awgusta. Přizjewjenja přijimuja hač do pjatka, 1. meje, online.
Drježdźansko-Mišnjanske biskopstwo poskićuje tež lětsa zaso zawod do tematiki nabožnych prózdninskich dnjow. Prěnje tajke zarjadowanje budźe póndźelu, 11. meje, wot 18.00 do 21.00 hodź. na Budyskej farje. Dalše je mjez druhim srjedu, 27. meje, w Drježdźanach planowane. Zdobom poskića zamołwići zawod tež online přez platformu Zoom, a to štwórtk, 28. meje, wot 18.00 do 21.00 hodź. Přizjewjenja přijimuja online.
Drježdźanska katedrala Najswjećišeje Trojicy bu před 275 lětami poswjećena. K tomu su w diecezy wobšěrny program z hudźbnymi předstajenjemi a čitanjemi zestajeli. Wjeršk ma swjatočna Boža mša w juniju z biskopom Heinrichom Timmereversom być.
Mužojo, kotřiž chcedźa teologiju studować a so z měšnikom stać, móža so wot nazymy we wobłuku studija na to přihotować. Tež mužojo bjez matury, ale z wotzamknjenym powołanskim wukubłanjom móža so na puć měšnistwa podać. Do požadanja wotměja so w biskopskim ordinariaće w Drježdźanach orientaciske rozmołwy, za kotrež měli so zajimowani mužojo w personalnym wotrjedźe přizjewić.
Lětsa nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Zajimcy měli při zahajenju wukubłanja znajmjeńša 35 lět być a nic starši hač 50 lět.
Zajimcy, kotřiž chcyli pastoralnu słužbu we wosadźe wukonjeć, móža lětsa nazymu wukubłanje na wosadneho referenta zahajić. Žony a mužojo, kiž tak mnohostronske słužby a charismy wěriwych podpěraja a spěchuja, móža so ze studijom nabožneje pedagogiki respektiwnje teologije a nawjazowaceho třilětneho wukubłanja za tajku słužbu kwalifikować.
Serbska protyka
