Katolski Posoł – 19. oktobra 2025
Što rěka poprawom, hdyž něchtó praji, zo je wšo derje? Tole praša so awtor zawodneho nastawka, kotryž je ewangelski duchowny.
Bamž Leo XIV. je swój prěni wučbny spis wozjewił. Při tym złožuje so na swojeho předchadnika.
Lěkar je zwěsćił, što modlenje róžowca nimo duchowneje dimensije hewak hišće wuskutkuje. A wón podpěra jednu z bamžowych namołwow.
Nan a syn z Chróšćanskeje wosady pobyštaj na grjekskej połkupje. Tu smědźa jeničce mužojo wopytać – a tež to je hišće jara wobmjezowane.
Katedrala w Parisu wupada zaso tajka kaž při swojim nastaću. Tomu polěkował je zahubny woheń.
Smječkečenjo podachu so z jednym swojich wjesnjanow, kotryž je předsyda němskeho přećelskeho kruha cistercienskeho klóštra, do sewjernych Čech. Wot tamnišeho klóšterskeho areala běchu cyle zakuzłani.
Jako rodźeny Němc je Jandytar Hajnk tójšto na dobro Serbow skutkował. Spočatk měsaca bu wón na prawdu Božu wotwołany.
We Worklecach su so dźěći wjacorych lětnikow na rozdźělnych dnjach zetkali. Jedne zaběrachu so z wosebitej modlitwu a młodym swjatym, tamne zhonichu mjez druhim, štó jich bjezwuwzaćnje lubuje.
Seminar k přihotej na sakrament mandźelstwa wotměje so wot pjatka do soboty, 28. do 29. nowembra, w Smochčanskim kubłanišću swjateho Bena. Přizjewjenja přijimuje Dekanatne dušepastyrstwo młodźiny we Worklecach jeničce online. Tam su tohorunja hižo přizjewjenja za klětušej terminaj samsneho seminara móžne. Wonej stej stajnje wot pjatka do soboty planowanej, prěni wot 27. do 28. februara, druhi wot 27. do 28. nowembra.
Wšitke dźěći, kotrež so na prěnje swjate woprawjenje přihotuja, su na zhromadny dźeń do Njebjelčic přeprošeni. Tón budźe srjedu, 19. nowembra, wot 9.00 do 15.00 hodź. Započatk je z Božej mšu w cyrkwi, na kotruž su tež starši wutrobnje přeprošeni. Zajimcy měli so hač do pjatka, 1. nowembra, online přizjewić.
Serbska protyka
