Katolski Posoł – 2. nowembra 2025
Wo woprawdźitym bohatstwje žiwjenja pisa serbski duchowny w swojim zawodnym nastawku. Mjez druhim wón rozłoži, što ma jeho zetkanje ze staršej žonu z tym činić a kotre poselstwo wuchadźa ze wysokeho swjedźenja Wšěch swjatych kaž tež wopomnjenju Chudych dušow.
Biskop Heinrich Timmerevers je domjacu kapałku w nowym Domje propsta Beiera w Drježdźanach poswjećił. Jeje patron je serbski měšnik, kotryž bu 2011 zbóžnoprajeny.
Čehodla su w Božich wočach wšitcy ludźo VIP? Wo tym rozmysluje awtor w swojim teologiskim zhladowanju k wysokemu swjedźenjej Wšěch swjatych.
Emeritowany biskop Konrad Zdarsa je w serbskej wosadźe 51 młodostnym sakrament firmowanja wudźělił. Božu mšu su mjez druhim wosadni hudźbnicy kaž tež firmujomni sami sobu wuhotowali.
W Ralbicach nastawa dom k słužbje za Boha. Po tym zo połožichu spočatk septembra zakładny kamjeń, swjećachu nětko zběhanku.
Sekcija Swójba Towarstwa Cyrila a Metoda z.t. (TCM) přeprošuje wšitkich zajimcow na škotowy turněr, kotryž wuhotuje wona wutoru, 18. nowembra, na předwječoru pokutneho dnja, we 18.30 hodź. w Jasčanskej „Bjesadźe“. Wuraznje su nimo muži tež žony přeprošene, wšojedne kotreje staroby. Za tych, kotřiž njemóža škot hrać, zarjaduja zdobom turněr z kartowej hru rommé.
Seminar k přihotej na sakrament mandźelstwa wotměje so wot pjatka do soboty, 28. do 29. nowembra, w Smochčanskim kubłanišću swjateho Bena. Přizjewjenja přijimuje Dekanatne dušepastyrstwo młodźiny we Worklecach jeničce online. Tam su tohorunja hižo přizjewjenja za klětušej terminaj samsneho seminara móžne. Wonej stej stajnje wot pjatka do soboty planowanej, prěni wot 27. do 28. februara, druhi wot 27. do 28. nowembra.
Serbska protyka
