Katolski Posoł – 23. februara 2025
Njepřećela lubować mjenuje awtor zawodneho nastawka chětro ćežko. Ale wón poruča puć, kotryž móhł dopomhać, to tola zamóc.
W Drježdźanach spominachu na zničenje města před 80 lětami. Biskop Joachim Reinelt skedźbni při tym to, zo je wuraz „swětowa wójna“ njedosahaca formulacija a rozłoži čehodla.
Zhromadnje za nabožnosć a narodnosć so zasadźeć je zaměr Towarstwa Cyrila a Metoda. Na swojej hłownej zhromadźiznje je wone dźěło lońšeho lěta bilancowało a nowe předsydstwo wuzwoliło.
Ralbičanski chór Lilija poby w sewjernych Čechach na probowym lěhwje – po wjace hač 20 lětach zaso prěni raz. Wón wobrubi pak tež kemše ze serbskej misu, kotruž běše Čech skomponował.
Redaktorka Pomhaj Bóh Trudla Malinkowa woswjeći kulowate narodniny. Wona šěri literarisce a z přednoškami swoju wobšěrnu wědu wo serbskich stawiznach, tež wo katolskich.
„Łužiska přehladka“ mjenuje awtorka rubriki „Katolski Posoł před 100 lětami“ swój přinošk wo rozprawnistwje w februaru 1925. Při tym dźe wo Krupku, katolski duchowny seminar w Budyšinje, Kulowske Bratrowstwo, woheń we Wotrowje a poradźowanje za zbrašenych.
Andreas Ošika je jeno 46lětny njejapce zemrěł. Horliwy křižer je wěsty čas dźěłarnju swjateho Michała w Pančicach-Kukowje, ale tež Hornjołužiski zwjazk Carity nawjedował. A tež we Worklečanskim kapałkowym towarstwje běše wón aktiwny.
Mužojo, kotřiž chcedźa teologiju studować a so z měšnikom stać, móža so wot nazymy we wobłuku studija na to přihotować. Za to měli so w přichodnych tydźenjach přizjewić.
Bamž Franciskus je wšitkich młodostnych na tydźeń młodźiny do Roma přeprosył. Tón ma so w formaće swětoweho zetkanja młodźiny wotměć, to rěka zwiski nawjazać a so zhromadnje modlić. Młodostni su přeprošeni so na putnikowanju z biskopom Heinrichom Timmereversom wot póndźele do póndźele, 29. julija do 4. awgusta, wobdźělić.
Planowany kurs JULEICA w aprylu w Smochčanskim kubłanišću swjateho Bena budźe dwurěčny. Za njón su hišće městna swobodne. Wukubłanje wobsteji z dweju dźělow, je darmotne a wotměje so stajnje wot pjatka do njedźele, 4. do 6. apryla, kaž tež wot 25. do 27. apryla. Přizjewjenja přijimuja online.
Dźěłowe zjednoćenstwo za katolske kubłanje swójbow z.t. (AKF) poskićuje w póstnym času akciju „7 tydźenjow HAJ prajić“. Z tym přeprošuje pory, swoje partnerstwo wosrjedź wšědneho dnja wědomje skrućić. Tež sydomtydźenska wersija za swójby z dźěćimi w zakładnošulskej starobje eksistuje.
Pod hesłom „Chcu ći spěwać
a hrać“ wotměje so wot pjatka
do soboty, 14. do 16. měrca,
wosebite dalekubłanje
na polu cyrkwinskeje hudźby
w Smochčanskim kubłanišću
swjateho Bena. Pod nawodom
tachantskeho kapałneho
mištra Christiana Bonatha
skića dny bohaty kursowy
program za spěwarjow, instrumentalistow
a chórowych na wodow.
„Wobchad z palnymi murjemi – wotmjezowanje a mjeza“ rěka hesło lětušeho Ekumeniskeho póstneho seminara w Smochčanskim kubłanišću swjateho Bena. Planowane su wospjet štyri zarjadowanja po štyrjoch póndźelach, kotrež wěnuja so temje ze towaršnostneho, sociologisko-cyrkwinskeho kaž tež bibliskeho wida.
Na serbsku putnisku jězbu do Weserskich horin wot póndźele do štwórtka, 14. do 17. julija, přeprošuje Radworske Šmitec-Schwarzec busowe wozydłownistwo. Duchowny nawod změje farar Gabriš Nawka. Přizjewjenja přijimuja w Radworju, telefonowe čisło (03 59 35) 28 60.
Ambulantna hospicna słužba Hornjołužiskeho zwjazka Carity
z.t. w Kamjencu poskićuje lětsa zaso kurs k čestnohamtskemu
přewodźenju ćežkochorych a mrějacych. Štóž chcył
wukubłanje absolwować, měł so pola hospicneje słužby
Carity w Kamjencu přizjewić.
Serbska protyka
