Katolski Posoł – 25. februara 2024
Mjeno wučinja wažny dźěl wosobiny, pisa awtor zawodneho nastawka. Wón nawjazuje zwisk k cirkusej a přeradźa najwažniše mjeno.
Krótko do swojeje nalětnjeje plenarneje zhromadźimy w Augsburgu dóstachu biskopja w Němskej znowa list z Vatikana. Jako sćěh toho wzachu jedyn planowany tema z dnjoweho porjada a so jasnje wuznachu.
Spytowanju so spřećiwjeć a Bohu dowěrjeć je tema teologiskeho zhladowanja k druhej póstnej njedźeli. Awtor rozłožuje konsekwency toho za čłowjeka dźensa.
Z burskeho statoka ma hač do meje klóšter nastać. To je plan karmelitkow, kotrež chcedźa Prahu wopušćić.
Daloko znata organistka Hańža Bjeńšowa z Konjec njeje z 75lětami jenož nadal aktiwna a nima jenož jasne přeća za kóždu wosadu, ale tež nadal rady wuknje. Něšto wažne za swoju lětdźesatki trajacu słužbu pak wona dołho znała njeje.
Kak da reagujeće, hdyž na kemšach pytnjeće, zo je na smartfonje powěsć dóšła? Za tym praša so znaty serbski lěkar z Hamburga.
Wo wažnej kročeli w ekumenje pisaše Katolski Posoł hižo před sto lětami. Awtorka rubriki pak je tež přinošk z lěta 1924 našła, w kotrymž kritisce pisaja, zo chcedźa někotři zamóžići serbscy burja w Kulowskej wosadźe swoje kubła předać a sej tak žiwjenje polěpšić.
Wo dožiwjenjach žony, kotraž je po Druhej swětowej wójnje jako dźěćo ze swójbu z wuchodneje Pruskeje ćěkać dyrbjała, zhonichu serbscy młodostni w Radworju na farje. Do toho su so zhromadnje wječornu chwalbu modlili.
Mjezynarodna konferenca wo cyrkwinskich stawiznach w centralnej Europje ma so srjedź měrca w Budyšinje wotměć. Zajimcy měli so na nju přizjewić.
Wědomostny přinošk wo serbskej nabožnej literaturje w lětach wot 1945 do 1990 je w Lipsku bydlacy serbski wědomostnik w Praskim časopisu wozjewił – a to w serbskej rěči. Přinošk móže sej kóždy přečitać.
Dekanatna młodźina
je w póstnym času na
zhromadne wječorne modlenja
přeprošena. Sobotu, 24. februara, wotměje so wone
w Chrósćicach. Po tym zahraja sej hry w Hórnikowym domje.
Dalše tajke modlenje budźe sobotu, 2. měrca, w Pančicach-Kukowje. Přizamknjetej so předstajenje filma a rozmołwa.
Hornjołužiski zwjazk Carity pyta k najblišemu móžnemu terminej za swoju dnjowu hladarnju we Worklecach přidatnu hladansku wosobu. Wobmjezowane dźěłowe zrěčenje je na minimalnje 20 hodźin wupisane, zwyšenje hodźin a podlěšenje zrěčenja pak je móžne.
Pastyrske słowo biskopa Heinricha k jutrownemu pokutnemu časej 2024
...
Hirtenwort von Bischof Heinrich zur Österlichen Bußzeit 2024
Serbska protyka
