Katolski Posoł – 6. julija 2025

deutsch >>>

W aktualnym wudaću nańdźeće mjez druhim tole:

W swojim zawodnym nastawku duchowny mjez druhim pisa, w čim dyrbješe Jězus wučomnikow kubłać a čehodla tole tež křesćenjo dźensa trjebaja. Zdobom wón wuwjedźe, što ma znate žiwidło z tym činić.
Mjezynarodnu Božu mšu dožiwichu wěriwi poslednju njedźelu junija w Chrósćicach. Na nich jedyn z prědarjow mjez druhim namołwi, što měł kóždy křesćan być a kak zamóže to zwuraznić.
wjace fotow
Ludźo trjebaja radu, posylnjenje a pomoc, hdyž wšitko njerozumja. Serbscy wěriwi su na swjedźenju Marije wopytanja za to něšto tak činili kaž mać Boža.
wjace fotow

Před 300 lětami poswjećena putniska cyrkej w sewjeročěskich Hejnicach je sama k přitomnym „rěčała“. K jubilejej přńdźechu ludźo ze štyrjoch narodow.

wjace fotow
Budyska Montessorijowa šula je w poslednim šulskim tydźenju do Róžanta putnikowała. Na Božej mši w tamnišej swjatnicy biskop Heinrich Timmerevers rozłoži, što měli wšitcy zas a zaso klinčeć dać, poćahujo so při tym na hesło kubłanišća w minjenym šulskim lěće.

Katolski serbski zapósłanc njeje jeničce w politice aktiwny, ale prócowaše so tež w swojim cyrkwinskim angažemenće mosty twarić. Tele dny je wón swoje 70. žiwjenske lěto dokónčił.

We Wotrowje je z Tereziju Čornakowej poslednja wšědna nošerka serbskeje narodneje drasty we wsy na prawdu Božu wotešła. Čas žiwjenje běchu jej wěra, lubosć a serbska tradicija wažne zakłady, na kotrež twarješe.
Chorhoji na Chróšćanskej cyrkwinskej wěži njedźelu Božeho ćěła su awtora přinoška k něčemu pohnuli. Wón dopomni na podawk, kotryž sta so před 80 lětami we wsy.

Wšitcy wěriwi su sobotu, 23. awgusta, na zhromadny dźeń Budyskeho dekanata pod hesłom „Marija – znamjo nadźije“ do Róžanta přeprošeni. Liturgiske zahajenje budźe w 15.00 hodź. z wustajenjom Najswjećišeho w putniskej cyrkwi. Hižo wot 14.00 hodź. poskića wosady kofej, jeli to same organizuja. Štóž chce, móže piknikować. Wot 16.00 do 18.00 hodź. změja zamołwići pisany program wokoło cyrkwje spřihotowany. Dekanatny dźeń zakónči so z Božej mšu we 18.00 hodź. w Róžeńčanskej swjatnicy. Tón dźeń předwječorne kemše w serbskich wosadach njebudu.

Na zahrodźe klóštra Marijineje hwězdy w Pančicach-Kukowje dožiwja wopytowarjo sobotu, 19. julija, wot 19.00 hodź. zaso „Nóc tysac swěčkow“. Hač do zaswěćenja swěčkow poskića pisany program na jewišću.
wjace

Lětuši Gig-festiwal je wot pjatka do njedźele, 15. do 17. awgusta, w Róžeńće planowany. Program kaž tež přehlad wobdźělnikow stej na internetowej stronje festiwala wozjewjenej. 

wjace

Serbska protyka

wjace
Prev PostJapoštołski nuncius a biskop Chróšćansku wosadu z wopytom počesćiłoj
Next PostKemše na festiwalnej njedźeli