Katolski Posoł – 27. septembra 2026
W swojim zawodnym nastawku pisa serbski duchowny, w čim so křesćanstwo zwobraznja. Na ewangelij tuteje njedźele so poćahujo wón mjez druhim wuwjedźe, kotry woznam maja Jězusowe wumjetowanja křesćanam dźensa.
Składnostnje 30. róčnicy zrěčenja mjez Swjatym stołom a Swobodnym statom Sakskej přebywaštej statna a cyrkwinska delegacija we Vatikanje. Mjez nimi běštaj tež Serbaj.
Modlitwa do jědźe a po jědźi dopomina na to, zo njejstej jědź a žně samej swójskej zasłužbje. Čehodla móže z toho nastajenje za wšědne žiwjenje nastać, wo tym pisa awtor w swojim rozmyslowanju k domchowance.
Z ekumeniskej Božej słužbu w Smječkecach na něšto spominachu, štož su tam před 125 lětami tam natwarili. Při tym njesteješe jenož dušina cyroba w srjedźišću.
Z wšeje Sakskeje dojědźechu sej wobydlerjo, wothladowarjo a pomocnicy zarjadnišćow Socialne o skutka Carity (CSW) njedawno do Smječkec, zo bychu so wottam na bliske putniske městno podali. Po kemšach něšto dźělachu.
Narodna drasta běše jedna tema w septemberskich wudaćach Katolskeho Posoła před 100 lětami. Ale tež kaznje, kak smědźachu so reje přewjesć, so tam jewjachu.
We wsy blisko Smochćic, při Jakubowym puću, bu nowy dwurěčny pomnik wěry poswjećeny. Štož je skerje tradicija na katolskich serbskich wsach, je wotnětka tež w skerje ewangelskej kónčinje wsy zaměstnjene.
Pisany dźeń z mnohimi impulsami su wobdźělnicy zarjadowanja w Budyšinje dožiwili. Tam dóstachu čestnohamtscy we wosadnym dźěćacym a swójbnym dźěle inspiracije.
Serbscy křižerjo, kotřiž chcedźa so klětu na putnikowanju wot soboty do soboty, 1. do 8. meje, wobdźělić, móža so hač do srjedy, 30. septembra, online přizjewić.
Katolske nabožne wusyłanje w Serbskim rozhłosu MDR ma tutu njedźelu, 27. septembra, tachantski farar Wito Sćapan z Budyšina.
Za běh wo pokal zbóžneho Alojsa sobotu, 3. oktobra, w Radworju móža so zajimcy wotnětka online přizjewić. Započatk je we 8.30 hodź. při sportnišću. Wobdźělić móža so běharjo wšěch starobnych skupin wot šěsć lět za čary rozdźělneje dołhosće.
Wšitke dźěći, kotrež so na prěnje swjate woprawjenje přihotuja, su na zhromadny dźeń do Njebjelčic přeprošene. Tón budźe srjedu, 18. nowembra, wot 9.00 do 15.00 hodź. Započatk je z Božej mšu w cyrkwi, na kotruž su tež starši wutrobnje witani. Zajimcy njech so hač do soboty, 24. oktobra, přizjewja.
Sakski krajny młodźinski chór pod nawodom z Kulowa pochadźaceho Serba Lukaša Čórlicha budźe po wjace hač sydom lětach znowa z hosćom we Łužicy. Koncert w Kulowskej cyrkwi wuhotuje chór njedźelu, 17. oktobra, w 17.00 hodź. Zastup je darmotny, wo dary proša. Nazajtra, njedźelu, 18. oktobra, w 9.00 hodź. wobrubi spěwne ćěleso Božu mšu w Chróšćanskej cyrkwi.
W klóštrje Marijinej hwězdźe pokročuja po lětnej přestawce z rjadom „Přijomnosć & kultura“. Tak wěnuje so dołholětny apotekar w Pančicach-Kukowje Stefan Finger sobotu, 17. oktobra, w 17.00 hodź. dožiwjenjam při płachtakowanju po Atlantiskim oceanje wot Karibiki ke kupowej skupinje Acorow. W srjedźišću dalšeho zarjadowanja sobotu, 14. nowembra, tohorunja w 17.00 hodź. stejitej tradicija poslednjeje słužby w podkopkach do patoržicy (Mettenschicht) w Rudnych horinach kaž tež bohabojaznosć hórnikow.
Wšitcy młodostni a młodźi dorosćeni w starobje 18 do 35 lět – tež serbscy – su přeprošeni, so zhromadnje na europske zetkanje Taizéskeje zhromadnosće podać. Wone wotměje so wot póndźele, 28. decembra, do pjatka, 1. januara, we Łódźi.
Hornjołužiski zwjazk Carity z.t. přeprošuje pod hesłom „Caritas zwjazuje generacije“ na dźeń wotewrjenych duri sobotu, 10. oktobra, wot 14.00 do 18.00 hodź. na Zapadnu dróhu 22 w Kamjencu. Hosćom poskića wotměnjawy popołdniši program.
Hornjołužiski zwjazk Carity z.t. pyta za Dnjowu hladarnju „Při Krabatowym puću“ we Worklecach tak spěšnje kaž móžno wosobu, kotraž by tam rjedźiła. Zajimowani měli swoje požadanske podłožki nawodnicy Jěwje Mari Šnajderowej z mailku na adresu e.schneider@caritas-oberlausitz.de pósłać. Telefonisce ju pod čisłom (03 57 96) 94 24 70 docpěja.
Dalše pokiwy su w Powšitkownych wozjewjenjach podate.
Serbska protyka
