Katolski Posoł – 22. nowembra 2026
Što so poprawom stanje, hdyž so před swojimi sylnosćemi bojiš? W swojim zawodnym nastawku namołwja duchowny k tomu, wot Boha darjene kmanosće spóznać a sebjewědomje swoju jónkrótnosć přiwzać.
Nowa serbska webstrona ma zajimcam katolsku wěru na moderne wašnje zbližić. Nimo wotkazow na wědomostne dźěła jewja so tež doporučenja na filmy, dalše kanale, ale tež na někotre bestsellery.
Prěnjowoprawjenske dźěći ze serbskich wosadow móžachu na swojim zhromadnym přihotowanskim dnju w Njebjelčicach městna wopytać, na kotrež hewak tak lochce njepřińdźeš. Někotre z nich připołdnju dwanaćich něhdźe dźěchu, hdźež bě chětro wótře.
Młodostni runje tak kaž wuměnkarjo wobdźělichu so w Jaseńcy na turněrje, kotryž cyły wječor traješe. Woni něšto činjachu, štož běše něhdy na wsy móhłrjec wšědnje z wašnjom.
W Tuchorskim lěsu so wěriwi z ekumeniskim nyšporom za něšto modlachu, štož je jara rozłamliwe. Serbski teologa pokaza puć k wobchowanju toho.
Wospjet móžachu ludźo w Zejicach dary wotedać, kiž su za chowancow Carity w pólskim Ełku předwidźane. Něšto pak běše so stało, zo njemóžeše transporter kaž planowane wotjědź.
Što poprawom so stanje, hdyž něchtó za ambom steji a wujimk ze Swjateho pisma přednjese? Třeći dźěl impulsoweje serije k bibliji na kemšach wuswětla, hdyž so z tekstami Swjateho pisma rozestaješ, přeměni so historiske słowo do konkretneho słowa žiwjenja.
Serbscy křižerjo, kotřiž chcedźa so klětu na putnikowanju wot soboty do soboty, 1. do 8. meje, wobdźělić, móža so na internetowej stronje www.posol.de hač do póndźele, 30. nowembra, přizjewić. Tam su nadrobne informacije podate. Kruh móžnych wobdźělnikow je powjetšeny a doba přizjewjenja podlěšena.
Katolske nabožne wusyłanje w Serbskim rozhłosu MDR ma tutu njedźelu, 22. nowembra, farar Měrćin Deleńk z Chrósćic.
Worklečanske dekanatne dušepastyrstwo za dźěći přeprošuje šulerjow nětčišeho 4. do 8. lětnika klětu w lětnich prózdninach na jězbu do Hainewaldy. Wona wotměje so wot póndźele do pjatka, 2. do 6. awgusta. Přizjewjenja přijimuje dekanatne dušepastyrstwo hač do pjatka, 1. meje 2027, online.
Młodźi dorosćeni w starobje 18 do 35 lět su na kubłansku jězbu klětu wot pjatka do njedźele, 15. do, 17. januara, do Winfriedoweho doma w Schmiedebergu přeprošeni. Při rozmołwach, kreatiwnych dźěłarničkach a wšelakich hrach změja woni składnosć nowych ludźi zeznać, nowe nazhonjenja zběrać a při tym sej swójsku wěru znowa wotkryć. Přizjewić móža so zajimcy online. Tam su tež płaćizny podate.
Worklečanske dekanatne dušepastyrstwo za młodźinu poskićuje tež klětu seminaraj k přihotej na sakrament mandźelstwa. Termin za prěni seminar je so změnił. Tón budźe nětko pjatk a sobotu, 12. a 13. měrca, w Smochčanskim kubłanišću swjateho Bena. Za dalši pjatk a sobotu, 26. a 27. nowembra, městnosć hišće wozjewja.
Nowy duchowny poskitk je redakciski team Dekanatneho dušepastyrstwa za młodźinu we Worklecach spřihotował. Wotnětka móža so zajimcy krasnosćiwy róžowc w serbskej rěči sobu modlić, kotryž je online wozjewjeny.
Na mjeztym 15. kulturnu zymu přeprošuje Monika Gerdesowa wšitkich zajimcow w přichodnych měsacach do swojeje putniskeje hospody w Chrósćicach. Zarjadowanja w serbskej a němskej rěči wotměja so zaso po sobotach, a to wot 28. nowembra hač do 27. februara, nimale tydźensce. Započatk je, nimo jednoho wječora, stajnje w 19.45 hodź.
Dalše pokiwy su w Powšitkownych wozjewjenjach podate.
Serbska protyka