Katolski Posoł – 11. oktobra 2026
Přeprošenja móža zwjeseleć, ale maš tež tajke, kiž so jako wobćežna winowatosć wopokazuja. W zawodnym nastawku rozmysluje awtor wo prawym wobchadźe z nimi.
Składnostnje klětušeje 500. róčnicy historiskeho zakitowanje bamža – Sacco di Roma – wopomina tole Šwicarska garda w lěće 2027. Serbscy křižerjo na putnikowanju do Roma su te stron Šwicarskeje přeprošeni, so na tym wobdźělić. Zajimowani móža so za jězbu hišće hač do kónca oktobra přez stronu www.posol.de přizjewić.
W Čěskej su tři króć tři kwadratnych metrow wulku kapałku poswjećili. Ta je z pomocu 3D-ćišćaka nastała.
Wot dweju režimow přesćěhany čěski duchowny – pozdźiši kardinal – bu nětkole – 52 lět po jeho smjerći – dospołnje rehabilitowany. Hač do kónca jeho žiwjenja je komunistiski režim jeho wobstajnje wobkedźbował.
Jedna z třoch cyrkwjow w Radworju je po wobšěrnym ponowjenju znowa poswjećena. Jako stary wołtar wutwarichu, tam něšto dotal njeznate nańdźechu.
W Radworju wotmě so sportowe wubědźowanje, z kotrymž na zbóžneho serbskeho martrarja spominachu. Kóždy wobdźělnik, kotryž cil docpě, něšto wosebite dósta.
We Wotrowje je biskop Joachim Reinelt młodostnym sakrament swjateho firmowanja wudźěli. Wón napominaše jich, něšto zmužiće wobchować kaž tež šěrić.
Hnydom dwě pěstowarni swjećeštaj w Ralbicach domchowanku. Na nju sej tež hosćo dojědźechu, kiž to po tradiciji hewak w Chrósćicach činja.
W klóštrje Marijinej hwězdźe wobrubi młode ćěleso z Budyšina domchowanku konwentne kemše. To bě jich prěni wustup w tutym cistercienskim klóštrje.
Młodostna z Njebjelčic rozprawja wo nazhonjenjach na zhromadnym wulěće ministrantow. Wona to z něčim přirunuje, štož prawidłownje wukonja.
W Baćonju njeswjećachu jenož domchowanku, ale dźakowachu so tež tym, kiž słužby w cyrkwi wukonjeja. Zdobom přiwzachu noweju ministrantow.
Katolske nabožne wusyłanje w Serbskim rozhłosu MDR ma tutu njedźelu, 11. oktobra, farar Gerat Wornar z Baćonja.
Wšitke dźěći, kotrež so na prěnje swjate woprawjenje přihotuja, su na zhromadny dźeń do Njebjelčic přeprošene. Tón budźe srjedu, 18. nowembra, wot 9.00 do 15.00 hodź. Započatk je z Božej mšu w cyrkwi, na kotruž su tež starši wutrobnje witani. Zajimcy njech so hač do wutory, 27. oktobra, přizjewja.
Seminar k přihotej na sakrament mandźelstwa wotměje so wot pjatka do soboty, 27. do 28. nowembra, w Smochčanskim kubłanišću swjateho Bena. Přizjewjenja Dekanatne dušepastyrstwo młodźiny we Worklecach online přijimuje.
Na digitalne zarjadowanje pod titulom „Nadźija na žiwjenskich mjezach. Liturgiski přewod w chorosći, mrěću a žarowanju“ přeprošuja Němski liturgiski institut, Katolska akademija Drježdźansko-Mišnjanskeho biskopstwa a partnerojo. Zarjadowanje wotměje so sobotu, 7. nowembra, wot 9.30 do 13.00 hodź. Wobdźělenje je tež jako jednotliwc abo jako skupina móžne. Zajimcy měli so za zarjadowanje online přizjewić.
Tobias Haberl, kotrehož knihu „Unter Heiden“ je Damian Dyrlich srjedź julija w Katolskim Posole wobšěrnje předstajił, porěči štwórtk, 15. oktobra, we 18.30 hodź. w Zhorjelskim dźiwadle Gerharta Hauptmanna. Na přijeću tamnišeho biskopstwa wěnuje so žurnalist a bestsellerowy awtor temje „Najebać wšeho – w pokřesćanskej towaršnosći křesćan wostać“. Darmotne zastupne lisćiki dóstanu zajimcy na wšěch městnach, hdźež Gerharta Hauptmannowe dźiwadło tajke poskićuje, kaž tež při wječornej kasy.
Lětuša chórowa akademija Budyskeho Rotaryjoweho kluba pod nawodom Friedemanna Böhme změje swój beneficny koncert njedźelu, 11. oktobra, w 17.00 hodź. w Budyskej Michałskej cyrkwi. Wunoški wěnuja na dobro swětoweho programa Rotaryjoweho kluba k wutupjenju spinalneje mortwicy (Kinderlähmung). Zastup je darmotny, wo dary proša.
Sakski krajny młodźinski chór pod nawodom z Kulowa pochadźaceho Serba Lukaša Čórlicha budźe po wjace hač sydom lětach znowa z hosćom we Łužicy. Koncert w Kulowskej cyrkwi wuhotuje chór njedźelu, 17. oktobra, w 17.00 hodź. Zastup je darmotny, wo dary proša. Nazajtra, njedźelu, 18. oktobra, w 9.00 hodź. wobrubi spěwne ćěleso Božu mšu w Chróšćanskej cyrkwi.
Pod titulom „Zbrašenosć. Žana hranica! – Tysac lět nazhonjenjow – wot Hermanna chromeho hač do dźensnišeho“ přeprošuje wustajeńca do klóštra Marijineje hwězdy w Pančicach-Kukowje, so z tutej temu zaběrać. Wotewru ju wutoru, 20. oktobra, w 19.00 hodź. na Čerwjenej žurli klóštra. Wustajeńca wostanje w rumnosći mjez klóšterskim dworom a parkowanišćom hač do njedźele, 3. nowembra, přistupna a wšědnje wot 16.00 do 19.00 hodź. kaž tež po telefoniskim přizjewjenju pod čisłom (01 76) 87 85 20 69 wotewrjena.
W klóštrje Marijinej hwězdźe pokročuja po lětnej přestawce z rjadom „Přijomnosć & kultura“. Tak wěnuje so dołholětny apotekar w Pančicach-Kukowje Stefan Finger sobotu, 17. oktobra, w 17.00 hodź. dožiwjenjam při płachtakowanju po Atlantiskim oceanje wot Karibiki ke kupowej skupinje Acorow. W srjedźišću dalšeho zarjadowanja sobotu, 14. nowembra, tohorunja w 17.00 hodź. stejitej tradicija poslednjeje słužby w podkopkach do patoržicy (Mettenschicht) w Rudnych horinach kaž tež bohabojaznosć hórnikow.
Wšitcy młodostni a młodźi dorosćeni w starobje 18 do 35 lět – tež serbscy – su přeprošeni, so zhromadnje na europske zetkanje Taizéskeje zhromadnosće podać. Wone wotměje so wot póndźele, 28. decembra, do pjatka, 1. januara, we Łódźi.
Dalše pokiwy su w Powšitkownych wozjewjenjach podate.
