• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 13. apryla 2025

deutsch >>>

W aktualnym wudaću nańdźeće mjez druhim tole:

Wo čłowjeku w bibliskich tekstach z wjele mjezwočemi refkeltuje awtor w swojim zawodnym nastawku. Zdobom wón pohnuwa wo tym rozmyslować, štó samsny čłowjek za kóždeho křesćana je.
Swójby ze serbskich wosadow su pjatu póstnu njedźelu do Róžanta putnikowali. Hižo na spočatku Božeje mšě nawjazachu na to, štož k tomu trjebaja.
wjace fotow
Biskop Heinrich Timmerevers je we wobłuku wizitacijow w swojej diecezy spočatk apryla serbsku wosadu wopytał. Tam je so tohorunja k přichodźe tuteje kaž tež tamnych serbskich wosadow wuprajił.
Skupinka čłonow serbskeho pasionskeho zjednoćenstwa přebywaše w małym měsće blisko Bayreutha. Tam wobhladachu sej hru, kotruž chcedźa w podobnej formje lětsa tež we Łužicy předstajić.
Putnicy Zhorjelskeho biskopstwa su w Swjatym lěće swjate městna w Romje wopytali. Nawjedował běše skupinu biskop Wolfgang Ipolt. Mjez wobdźělnikami běchu tež někotři Serbja.
wjace fotow
Dołholětna korektorka Katolskeho Posoła Angela Rabowa bu do wěčnosće wotwołana. Pismiki a křesćanska wěra běštej jej čas žiwjenja wažnej stołpaj.
Wo swjedźenju, kotryž chcyše Jězus w Jerusalemje dožiwić, pisataj Hańžka a Feliks. Nimo toho su na dźěćacej stronje wšelake wobrjady w cyrkwi wopisane, kotrež su w martrownym tydźenju hinaše hač hewak.
Njebjelčanski młodźinski chór wuhotuje sobotu, 12. apryla, w 20.00 hodź. w tamnišim Božim domje „Hodźinku před Bohom“ pod hesłom „Žórło nadźije leži w Bohu“. Na pěsnje, psalmy a modlitwy słuchajo su wšitcy přeprošeni, před Bohom wutrać a so dušinje na jutry přihotować.
Na rozpominanje křižoweho puća z tekstami čěskeho basnika Milana Hrabala su wěriwi a zajimcy wulki pjatk, 18. apryla, w 15.30 hodź. do čěskeho Jiřetína pod Jedlovou njedaloko Varnsdorfa přeprošeni. Milan Hrabal a Martin Louka přednjesetaj teksty tež w serbskej rěči. Wšitcy su wutrobnje přeprošeni.
Smochčanske kubłanišćo swjateho Bena přeprošuje na pasionsku hudźbu ze smyčkowym kwartetom Budyskeho Serbskeho ludoweho ansambla. Na programje wulki pjatk, 18. apryla, w 19.30 hodź. steji twórba „Sydom poslednich słowow našeho Wumóžnika na křižu“ Josepha Haydna (1732–1809).
kartki
Dekanatne dušepastyrstwo za dźěći a młodźinu we Worklecach přeprošuje šulerki a šulerjow nětčišich 5. do 8. lětnikow w lěćnych prózdninach na jězbu do Zehrena blisko Mišna. Wona wotměje so wot póndźele do pjatka, 21. do 25. julija. Přizjewjenja přijimuja so hač do njedźele, 18. meje, online.
přizjewić so
Katolska wosada Marije kralowny róžowca w Radworju pyta za swój dźěćacy dom „Alojs Andricki“ nuznje kubłarku abo kubłarja. Městno je najprjedy hač do junija 2026 wobmjezowane. Požadanja přijimuja hač do srjedy, 30. apryla.
wupisanje
Drježdźansko-Mišnjanske biskopstwo poskićuje tež lětsa zaso zawod do tematiki nabožnych prózdninskich dnjow. Prěnje tajke zarjadowanje budźe póndźelu, 28. apryla, wot 18.00 do 21.00 hodź. na Budyskej farje. Dalše změja po wutorach, 29. apryla, w Kamjenicy, 13. meje w Lipsku a 27. meje w Drježdźanach planowane, kaž tež štwórtk, 15. meje, online. Zajimcy měli so online přizjewić. To je hač do jednoho tydźenja do woleneho zarjadowanja móžne.
přizjewić so
Wotwobarać seksualizowanu namóc je wažny wobstatk dźěła z dźěćimi a młodźinu we wosadach. Zaměr je, nowu kulturu wzajomneje zhromadnosće wuwiwać. K tomu su prewentiwne struktury a procesy trěbne. Worklečanske dekanatne dušepastyr­stwo za dźěći a młodźinu poskićuje k tutej temje kubłani na póndźelomaj, 19. meje, na Ralbičanskim „Radlubinje“ a 2. junija we Worklečanskim Don Boskowym domje, stajnje wot 18.00 do 21.00 hodź. Wšitcy pomocnicy na nabožnych prózdninskich dnjach we wosadach, ale tež dalši čestnohamtscy, kotřiž maja tam zwisk z dźěćimi a młodostnymi, na přikład w sakristiji abo ze šolu, su na jedne ze zarjadowanjow wutrobnje přeprošeni. Městna su wobmjezowane.
přizjewić so
Bamž Franciskus je wšitkich młodostnych na tydźeń młodźiny do Roma přeprosył. Tón ma so w formaće swětoweho zetkanja młodźiny wotměć, to rěka zwiski nawjazać a so zhromadnje modlić. Młodostni su přeprošeni so na putnikowanju z biskopom Heinrichom Timmereversom wot wutory, 29. julija, do póndźele, 4. awgusta, wobdźělić. Zajimcy měli so hač do srjedy, 30. apryla, online přizjewić.
wjace informacijow a přizjewić so

Serbska protyka

wjace
Prev PostKatolski Posoł – 6. April 2025
Next PostPutnikowanje serbskich swójbow na pasionskej njedźeli do Róžanta

Najnowše přinoški

  • Katolski Posoł – 18. meje 2025
  • Katolski Posoł – 11. meje 2025
  • Katolski Posoł – 4. meje 2025
  • Katolski Posoł – 27. apryla 2025
  • Katolski Posoł – 20. apryla 2025 – jutry

Archiwy

  • Meja 2025
  • Apryl 2025
  • Měrc 2025
  • Februar 2025
  • Januar 2025
  • December 2024
  • Nowember 2024
  • Oktober 2024
  • September 2024
  • Awgust 2024
  • Julij 2024
  • Junij 2024
  • Meja 2024
  • Apryl 2024
  • Měrc 2024
  • Februar 2024
  • Januar 2024
  • December 2023
  • Nowember 2023
  • Oktober 2023
  • September 2023
  • Awgust 2023
  • Julij 2023
  • Junij 2023
  • Meja 2023
  • Apryl 2023
  • Měrc 2023
  • Februar 2023
  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

02.06.2023 / Katolski Posoł - aktualne
Katolski Posoł – 4. junija 2023
16.05.2025 / Katolski Posoł - aktualne
Katolski Posoł – 18. meje 2025
08.05.2025 / Katolski Posoł - aktualne
Katolski Posoł – 11. meje 2025

Časopis katolskich Serbow

…

zašłe wudaća

  • Katolski Posoł – 4. junija 2023

    jun 2, 2023

  • Katolski Posoł – 18. meje 2025

    mej 16, 2025

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions