• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 17. julija 2022

deutsch >>>

W aktualnym wudaću nańdźeće mjez druhim tole:

Za čim čłowjek žedźi a što je na zemi jenož małe woknješko – wo tym pisa awtor w swojim zawodnym nastawku. Zdobom wón hladajo na starozakonske čitanje tuteje njedźele wuswětli, čehodla měli ludźo přeco jedne durje wotewrjene měć.

Rada katolikow a Drježdźansko-Mišnjanske biskopstwo stej na prěni biskopstwowy wobswětowy dźeń na wotpadkowu deponiju do Cröbernja blisko Lipska přeprosyłoj. Mjez druhim zwurazni přednošowar z Mnichowa, što maja wotpadki z teologiskim slědźenjom činić a što měł kóždy jednotliwc regulować.

Wo zakładach wuspěšneho mustwa zhonichu ministranća ze serbskich wosadow na Božej mši w Pěskecach. Praktisce nazhonić móžachu to hnydom po tym při hrach we wobłuku swojeho lětušeho koparskeho turněra.

wjace fotow

W Kulowje zhladuje tamniše Arcybratstwo swjateho róžowca lětsa na 350. róčnicu swojeho załoženja. Składnostnje tutoho jubileja ma wustajeńca nastać, za kotruž móža wěriwi wosebite róžowcy abo napisane wosobinske nazhonjenja z modlenjom róžowca na tamnišej farje wotedać.

Arcybratstwo swjateho róžowca
kontakt k wosadźe
namołwa k jubilejnej wustajeńcy

Katolske a Ewangelske kubłanje dorosćenych Sakskeje woswjećištej w Smochčanskim
kubłanišću swjateho Bena swoje 30lětne wobstaće. Tež kubłanski dom Drježdźansko-Mišnjanskeho biskopstwa sam zhladowaše na tym dnju na jenaku dobu swojeho wobstaća.

wjace fotow
W běhu pjeć lětdźesatkow jeje rjadniskeho žiwjenja buchu jej wšelake nadawki dowěrjene. Tež tón abo tamny pruwowanski čas je dožiwiła. Nětko woswjeći priorka klóštra Marijineje hwězdy, sotra Bernadette Raub, swoju złotu profes.
wjace fotow

Wosebity hobby pěstuje generalny wikar Osnabrückskeho biskopstwa na zahrodźe tamnišeho měšniskeho seminara. Tutej zaběrje wěnuje wón nětko tež knihu a ćehnje w njej paralele k cyrkwi. Awtor přinoška je sej ju předčitał a ju bliže předstaja.

ke knize

Komu ministranća při wołtarju słuža a kotry nadawk maja wšitcy křesćenjo, to zhonichu wěriwi na Božej mši w Chrósćicach. Na njej rozžohnowachu ministrantkow a ministrantow 8. a 9. lětnika.

Składnostnje 150. narodnin biskopa Christiana Schreibera přeproša Smochčanske kubłanišćo swjateho Bena, Berlinska arcydieceza kaž tež tamniša Katolska akademija wšitkich zajimcow na seminar k jeho žiwjenju a skutkowanju. Tutón wotměje so wot štwórtka do pjatka, 1. a 2. septembra w Schmochćicach. Přizjewjenja za zarjadowanje přijimuja so hač do póndźele, 15. awgusta.
wjace
Dekanatne dušepastyrstwo młodźiny přeprošuje młodostnych ze wšěch serbskich wosadow na zhromadny wulět do Błótow, a to njedźelu, 11. septembra. Přizjewjenja přijimuja so hač do póndźele, 29. awgusta.
wjace

Serbska protyka

wjace
Prev PostKatolski Posoł – 10. Juli 2022
Next PostMinistrantska kopańca w Pěskecach

Najnowše přinoški

  • Katolski Posoł – 4. junija 2023
  • Katolski Posoł – 28. meje 2023
  • Katolski Posoł – 21. meje 2023
  • Katolski Posoł – 14. meje 2023
  • Katolski Posoł – 7. meje 2023

Archiwy

  • Junij 2023
  • Meja 2023
  • Apryl 2023
  • Měrc 2023
  • Februar 2023
  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

02.06.2023 / Katolski Posoł - aktualne
Katolski Posoł – 4. junija 2023
25.05.2023 / Katolski Posoł - aktualne
Katolski Posoł – 28. meje 2023
19.05.2023 / Katolski Posoł - aktualne
Katolski Posoł – 21. meje 2023

Časopis katolskich Serbow

…

zašłe wudaća

  • Katolski Posoł – 4. junija 2023

    jun 2, 2023

  • Katolski Posoł – 28. meje 2023

    mej 25, 2023

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions