• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 26. junija 2022

deutsch >>>

W aktualnym wudaću nańdźeće mjez druhim tole:

Kak bu bójska wutroba za čłowjeka wotewrjena? Wotmołwu na tele prašenje podawa awtor w swojim zawodnym nastawku. Zdobom wón rozłožuje, kotra wutroba je přikład za wěriwych a k čemu chce wona jich posylnjeć.

Delegacija Drježdźansko-Mišnjanskeho biskopstwa a Swobodneho stata Sakskeje, mjez nimi biskop Heinrich Timmerevers a ministerski prezident Michael Kretschmer, přebywaše w Romje a Vatikanje. Na zetkanju z bamžom Franciskusom pak so biskop njewobdźěli. 

Drježdźansko-Mišnjanski biskop Heinrich Timmerevers je so z listom k předźěłanju padow seksualneje namocy a runočasnje z namołwu k sobuskutkowanju w přiradźe potrjechenych na wosady, zhromadźenstwa a zarjadnišća w swojej diecezy wobroćił. Tutón je w cyłku w Katolskim Posole wozjewjeny.

list biskopa
wjace informacijow na webstronje biskopstwa

Po dwulětnym přetorhnjenju koronoweje pandemije dla poda so 32 serbskich samostejacych zaso na zhromadny cyłodnjowski wulět. Tón wjedźeše jich lětsa do kónčiny z jeno 1,8 procentami katolikow. W bazilice swjećeše z nimi serbski kapłan Božu mšu

wjace fotow

Pasionske hry z njewočakowanym wobsahom dožiwi čitarka Katolskeho Posoła w Awstriskej. Rozprawjejo wo tym so wona praša, hač běše Judašowa přerada Chrystusa trěbna, zo by tón na zakładźe toho swoje žiwjenje zwoprował a skónčnje swět přez swoje zrowastanjenje wumóžił.

wjace fotow

Wo wosebitym darje za wosadny jubilej pisa awtorka w swojim poslednim přinošku składnostnje 250. róčnicy załoženja Wotrowskeje wosady, kotruž woswjeća wot štwórtka do njedźele, 23. do 26. junija. Mjez druhim předstaji wona nowostki w Božim domje kaž tež barbny koncept.

k programej

Kak móhli serbsku narodnu drastu młodej generaciji spřistupnić? Tele prašenje pohnu sobudźěłaćerjow Budyskeho Serbskeho muzeja, raz přez płót k susodam pohladać. Jako inspiracija słužeše słowakski fotowy projekt.

K čemu čłowjek čas nałožuje, wo tym móžeš w Katolskim Posole před 100 lětami čitać. Ale tež přeprošenje na zhromadźiznu Towarstwa Cyrila a Metoda kaž tež powěsć wo měšniskej swjećiznje Serba w Münsteru namaka awtorka tuteje rubriki w junijskich wudaćach časopisa z lěta 1922.

W klóštrje Marijinej hwězdźe w Pančicach-Kukowje wotmě so wospjet klóšterski a swójbny swjedźeń, kotryž měješe tež serbske elementy. Z něhdźe 2.000 wopytowarjemi pak je zarjadowanje tójšto mjenje ludźi wopytało hač do koronoweje pandemije.

wjace fotow

Smochčanske kubłanišćo swjateho Bena a Serbski ludowy ansambl přeprošujetej pjatk a sobotu, 1. a 2. julija, na Smochčanski hudźbny swjedźeń pod hesłom „Čěskej nocy“. Na woběmaj wječoromaj wustupitej mjez druhim čěska folklorna band Cimbálová hudźba Jiřiho Janouška a wirtuozna folklorno-klasiska huslerka Markéta Janouškova.

wjace

Pod hesłom WERT.VOLL.LEBEN přeprošujetej Drježdźansko-Mišnjanskeho biskopstwo a Rada katolikow wšitkich wěriwych a zajimcow na prěni diecezanski wobswětowy dźeń. Wón wotměje so sobotu, 9. julija, wot 10 hodź. na centralnej deponiji w Cröbernje pola Lipska.

wjace

Serbska protyka

wjace
Prev PostPasion w St. Margarethenje
Next PostKatolski Posoł – 3. julija 2022

Najnowše přinoški

  • Katolski Posoł – 29. januara 2023
  • Katolski Posoł – 22. januara 2023
  • Katolski Posoł – 15. januara 2023
  • Katolski Posoł – 8. januara 2023
  • Katolski Posoł – 25. decembra 2022

Archiwy

  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

27.01.2023 / Katolski Posoł - aktualne
Katolski Posoł – 29. januara 2023
20.01.2023 / Katolski Posoł - aktualne
Katolski Posoł – 22. januara 2023
13.01.2023 / Katolski Posoł - aktualne
Katolski Posoł – 15. januara 2023

Časopis katolskich Serbow

…

zašłe wudaća

  • Katolski Posoł – 29. januara 202

    jan 27, 2023

  • Katolski Posoł – 22. januara 202

    jan 20, 2023

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions