Katolski Posoł – 27. nowembra 2022

deutsch >>>

W aktualnym wudaću nańdźeće mjez druhim tole:​

Znate z mjenje znatymi durjemi přirunuje awtor w swojim zawodnym nastawku. Zdobom wón k tomu pohnuwa, wone mjenje znate w adwentnym času wotewrěć a překročić.
Třo katolscy Serbja přepodachu w litawskich Wojdatach tamnišej wosadźe nowy zahrodowy traktor. Za to běchu na někotrych městnach we Łužicy pjenjezy zběrali
krótki film wo požohnowanju traktora
Abonentska płaćizna Katolskeho Posoła so klětu wjetšim wudawkam přiměri. To je předsydstwo Towarstwa Cyrila a Metoda z.t. rozsudźiło. Zdobom pak tež k tomu pozbudźuje, zo by so hladajo na bližace so hody wo tym rozmyslowało, hač njemóhł so lětny abonement časopisa někomu darić.
Katolski Posoł za sebje abo druheho skazać

Wěcne dary we wobjimje 15 kubiknych metrow su pomocnicy w Zejicach za diecezanski zwjazk Carity w pólskim Ełku do wulkeho transportera składli. Te rozdźěla we wjace hač štyrceći zarjadnišćach.

Kak móžeš adwentnje žiwy być? Tutej temje wěnuje so serbski duchowny w druhim dźělu swojeje serije „Wěra praktisce“ a podawa zdobom někotre přikłady.
Wo powěsćach w Katolski Posole, kotrež su tež po sto lětach hišće zajimawe, pisa awtorka w swojej rubrice. Mjez druhim rozprawješe časopis tehdy wo stawku w Praze a pjenježnej hódnoće Božich mšow.
Z temu „Wěra“ zaběrachu so młodostni na nyšporje dekanatneje młodźiny njedźelu Chrysta Krala w Chrósćicach. Do njeho běchu ze swojim šmóratkom aktiwnje sobu zapřijeći.
wjace fotow

Na mjeztym 11. kulturnu zymu přeprošuje Monika Gerdesowa do swojeje putniskeje hospody w Chrósćach. Hač do klětušeho februara poskića wona wšelake zarjadowanja za dźěći a dorosćenych w serbskej a němskej rěči.

k programej

Dekanatne dušepastyrstwo młodźiny přewjedźe klětu za zajimowanych serbskich młodostnych serbskorěčny kurs JuLeiICa. Wón wobsteji z dweju dźělow, kotrejž wotmějetej so w Smochćicach, a wobsahuje zdobom kurs prěnjeje pomocy.

wjace
přizjewić so
Serbscy młodźi dorosćeni w starobje wot 18 do 30 lět su na zhromadny kubłanski dźeń sobotu, 7. januara, do Ewangelskeho centruma za dźěći a młodźinu TiK w Budyšinje přeprošeni. Přizjewjenja přijimuja jeničce online.
wjace
přizjewić so

W dekanatnym dušepastyrstwje za dźěći a młodźinu we Worklecach ma so 1. januara 2023 dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do srjedy, 30. nowembra, móžne.

wjace
nadrobniše informacije
Klětu wotměja so w Smochčanskim kubłanišću swjateho Bena zaso tři seminary k přihotej na sakrament mandźelstwa. Prěni budźe wot pjatka do soboty, 3. do 4. měrca. Přizjewjenja za wšitke seminary přijimuja so online.
wjace
Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so hač do srjedy, 30. nowembra, přizjewić.
wjace informacijow
Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Štóž chcył k tomu přinošować, njech přepokaza swój dar na konto TCM.
kontowe čisło TCM - hesło: Baćoń
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
přizjewić so

Serbska protyka

wjace
Prev PostKatolski Posoł – 20. November 2022
Next PostNyšpor dekanatneje młodźiny njedźelu Chrysta Krala