• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 6. nowembra 2022

deutsch >>>

W aktualnym wudaću nańdźeće mjez druhim tole:​

Wo naležnosćach, kotrež scyła samozrozumliwe njejsu, pisa awtor w swojim zawodnym nastawku. Zdobom wón zwuraznja, kotru liniju njeměli sej Serbja a serbscy wěriwi přetorhnyć dać a za čo měli so angažować.

Bamž Franciskus je demisiju Bambergskeho arcybiskopa Ludwiga Schicka přiwzał. 24 lět běše tón zdobom čłon Němskeje biskopskeje konferency, z toho 15 lět předsyda komisije swětoweje cyrkwje.

Mandźelskaj, pola kotrychž jedyn partner wěriwy njeje, mataj so po woli katolskich biskopow přiwšěm w cyrkwi witanaj čuć. K tomu je Němska biskopska konferenca nowu dźěłowu přiručku wudała.

wjace informacijow

W katedrali španiskeho města Salamanca wotewrichu wustajeńcu z „hyperrealistiskim“ awtentiskim napodobnjenjom Chrystusoweho ćěło z lateksa a silikona. Při tym złožuja so na Turinski smjertny rub.

wjace informacijow

Mnozy pomocnicy su ławki a wšo pohibliwe z Chróšćanskeje cyrkwje wurumowali. Hač do klětušeje nazymy Boži dom wotnutřka wobšěrnje ponowjeja.

wjace fotow

We Wotrowje poswjeći serbski duchowny nowy modlerski stołp k česći swjateho, kotryž je mjez druhim patron blidarjow. Na stołpje su tři citaty ze Stareho zakonja zafrezowane, kiž je sej wobsedźer ležownosće w přibližnje 40lětnej čestnohamtskej słužbje sobu zbližił.

wjace fotow

Wjace hač 1.500 přihladowarjow je sej spěwohru „Z TOBU – Bohu swjećene lěto“ wobhladało. Na poslednim z pjeć předstajenjow počesći serbski duchowny sobuskutkowacych a jim něšto dari.

prěnje tři předstajenja
zakónčace předstajenje

Wjeršk jubilejneho lěta na česć Handrija Zejlerja a Korle Awgusta Kocora běše serbski spěwanski swjedźeń w Budyskej „Krónje“. Na nim wobdźěli so dohromady 14 chórow z něhdźe 350 spěwarjemi.

wjace fotow

W Budyskej tachantskej cyrkwi swjateho Pětra wotmě so poslednje zarjadowanje jubilejneho lěta na česć Handrija Zejlerja a Korle Awgusta Kocora. Ekumeniski nyšpor wuhotowa nimale sto spěwarjow najwšelakorišich serbskich chórow pod nawodom Judith Kubicec.

wjace fotow

Woblubowane wodźenje po parku Smochčanskeho kubłanišća swjateho Bena móža wopytowarjo a zajimcy wotnětka kóždy čas dožiwić. Z pomocu awdijoguida na šmóratkach móža so na kulturnohistoriske a botaniske pućowanje po sydom lětstotkach podać.

Ze „systemiskim widom“ zhladuje katolski farar na žiwjensku woprawdźitosć. Njezłožuje so jenož na jednotliweho čłowjeka, ale na system, w kotrymž je něchtó žiwy. K tomu poskićuje hišće dwójce přednošk w Chróšćanskej wosadźe.

wjace informacijow

Čehodla swjećimy poprawom kermuše? Z tutym prašenjom zaběrataj so Hańžka a Feliks. Zdobom čaka na dźěći memory, při kotrymž maja patronow serbskim wosadam přirjadować.

memory

Hotowarniče serbskeje katolskeje narodneje drasty su na zhromadne zetkanje přeprošene. Wone wotměje so štwórtk, 10. nowembra, w Chrósćicach.

dalše informacije

Seminar k přihotej na sakrament mandźelstwa wotměje so pjatk a sobotu, 25. a 26. nowembra, w Smochčanskim kubłanišću swjateho Bena. Přizjewjenja přijimuja hač do srjedy, 16. nowembra, online.

dalše informacije
přizjewić so
Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so hač do srjedy, 30. nowembra, přizjewić.
wjace informacijow

Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Ze swojej akciju „Łužica pomha“ chce nimo toho za Caritu w Ełku wěcne dary zběrać.

kontowe čisło TCM - hesło: Baćoń

„Wzajomnje so zrozumić – partnersce komunikować“ rěkatej kursaj za pory, kotrež chcedźa swój poćah skrućić. Wonej wotmějetej so wot pjatka do njedźele, prěni wot 25. do 27. nowembra, druhi klětu wot 13. do 15. januara, w Smochčanskim kubłanišću swjateho Bena. Zajimcy měli so hač do pjatka, 11. nowembra, respektiwnje 3. januara online přizjewić.

flyer
přizjewić so
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
k přizjewjenju

Serbska protyka

wjace
Prev PostWurumowanje Chróšćanskeje cyrkwje
Next PostKatolski Posoł – 6. November 2022

Najnowše přinoški

  • Katolski Posoł – 2. apryla 2023
  • Katolski Posoł – 26. měrca 2023
  • Katolski Posoł – 19. měrca 2023
  • Katolski Posoł – 12. měrca 2023
  • Katolski Posoł – 5. měrca 2023

Archiwy

  • Měrc 2023
  • Februar 2023
  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

31.03.2023 / Katolski Posoł - aktualne
Katolski Posoł – 2. apryla 2023
24.03.2023 / Katolski Posoł - aktualne
Katolski Posoł – 26. měrca 2023
17.03.2023 / Katolski Posoł - aktualne
Katolski Posoł – 19. měrca 2023

Časopis katolskich Serbow

…

zašłe wudaća

  • Katolski Posoł – 2. apryla 2023

    měr 31, 2023

  • Katolski Posoł – 26. měrca 2023

    měr 24, 2023

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions