Katolski Posoł – 25. decembra 2022

Wšitkim čitarjam, dopisowarjam, roznošowarjam a dobroćelam Katolskeho Posoła kaž tež wužiwarjam našeje internetoweje strony www.posol.de přejemy žohnowane hody a strowe nowe lěto 2023.

Redakcija

Přichodne čisło Katolskeho Posoła wuńdźe 8. januara 2023.

 

Emeritowany bamž Benedikt XVI. zemrěł

Benedikt XVI., narodźeny 16. apryla 1927 w Marktlu jako Joseph Aloisius Ratzinger; zemrěł 31. decembra 2022 we Vatikanje.
Wón běše wot 19. apryla 2005 hač do swojeje demisije 28. februara 2013 hłowa romsko-katolskeje cyrkwje.

Knježe, daj jemu wěčny wotpočink.
A wěčne swětło njech jemu swěći.
Njech wotpočuje w Twojej lubosći.
Amen.

deutsch >>>

W aktualnym wudaću nańdźeće mjez druhim tole:​

Wo najwjetšim darje k hodam pisa awtor w swojim zawodnym nastawku. Zdobom wón zwuraznja, što měli křesćenjo činić, zo bychu hodowny pokoj wuprudźeli.

Wuchodoněmska katolska cyrkwinska nowina změje wot januara šefredaktorku. Wona je tónle nadawk w minjenych měsacach hižo komisarisce wukonjała.

Wěriwi w Radworju dožiwichu štwórtu adwentnu njedźelu wosebity nyšpor. Wuhotowali běchu jón nimo dorosćenych tež dźěći a wnučki spěwarjow serbskeho chóra.
wjace fotow
Kaž wobrazowy katechizm skutkuje třidźělny křidłowy wołtar nižozemskeho molerja. Awtor je sej jón bliže wobhladał a poda swoje mysle k jednomu z jeho třoch dźělow.
W katolskej serbskej Łužicy znaty oblatski pater woswjeći srjedź decembra w Hünfeldźe swój slěborny měšniski jubilej. Dźaknu Božu mšu w tamnišej klóšterskej cyrkwi swjećeše tež Serbowka sobu.
k youtubowemu kanalej patra Martina
Wo swjedźenju, kotryž je njepřesłyšomny apel za měr a pokoj mjez ludami, pisa awtor w dalšim dźělu swojeje serije „Wěra praktisce“. W nim podawa wón přikłady, kak móžeš hodownje žiwy być.
Trochu hinaši adwentny kalender mějachu dźěći Radworskeho horta. Z nim běše zdobom nadawk zwjazany.
Přehlad wo šulach w katolskim serbskim kraju je awtorka swojeje rubriki w decemberskim wudaću Katolskeho Posoła před sto lětami našła. Zdobom wona zwěsća, čehodla ma póst hišće móžnosće so wuwiwać.
Wo wunamakarju Božeho narodka, kajkiž je dźensa znaty, pisataj Hańžka a Feliks w swojim přinošku k hodom. Zdobom móža dźěći w hodownych prózdninach trochu hódać.
hodowny ewangelij
Hornjołužiski zwjazk Carity pyta k najblišemu móžnemu terminej za swoju Dnjowu hladarnju „Při Krabatowym puću“ we Worklecach wosobu za jězbnu słužbnu. Dźěłowe městno je wobmjezowane, podlěšenje pak je móžne.
wupisanje

Worklečanske dekanatne dušepastyrstwo młodźiny poskića serbskorěčny kurs JuLeiCa. Z wukubłanjom móža sej młodostni tež za sebje lěpšiny zdobyć. Přizjewić měli so zajimcy hač do srjedy, 4. januara.

přizjewić so
wjace

Dr. Timo Meškank je nowu knihu z titlom „krasnosć komunizma abo 1980te lěta w Serbach“ wudał. Zajimcy móža sej darmotnu knihu w redakciji Katolskeho Posoła skazać.

kontakt k redakciji
Pod titlom „Herbstwo Wóskeho – Woskys Erbe“ je kniha wo 250lětnych stawiznach Wotrowskeje wosady a lětušeje 250. róčnicy jej załoženja wušła. Wšě teksty su w serbskej a němskej rěči podate. Knihi předawaja póndźelu, 26. decembra, po dopołdnišich kemšach na Wotrowskej farje. Boža mša započnje so w 9 hodź. Dalši termin předawanja je srjedu, 28. decembra, wot 17 do 18 hodź., tohorunja na farje.

„Kak móžu to jenož rozrisać?…“ rěka hesło kursa k praktiskej žiwjenskej pomocy a sebjespóznaću, kotryž budźe wot pjatka do njedźele, 3. do 5. februara, w Smochčanskim kubłanišću swjateho Bena. Zajimowani su přeprošeni, swoje wosobinske prašenja z pomocu systemiskich nastajenjow wobdźěłać.

přizjewić so
wjace

Smochčanske kubłanišćo swjateho Bena přeprošuje na dny rozpominanja filma. Wone wotměja so klětu wot pjatka do njedźele,
20. do 22. januara.

přizjewić so
wjace

W dekanatnym dušepastyrstwje za dźěći a młodźinu we Worklecach ma so k najblišemu móžnemu terminej dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do pjatka, 6. januara, móžne.

k wupisanju
W Radworskim Katolskim serbskim dźěćacym domje „Alojs Andricki“ ma so k najblišemu móžnemu terminej městno nawodnicy abo nawody znowa wobsadźić. Pisomne požadanja přijimuja hač do soboty, 31. decembra.
k wupisanju

Klóšter Marijina hwězda w Pančicach-Kukowje pyta za putnisku cyrkej w Róžeńće wosobu, kotraž chcyła nadawki zwóńka a rjedźerskeje mocy přewzać. Zajimcy měli so tak spěšnje kaž móžno přizjewić.

wjace

Serbscy młodźi dorosćeni w starobje wot 18 do 30 lět su na zhromadny kubłanski dźeń sobotu, 7. januara, do Ewangelskeho centruma za dźěći a młodźinu TiK w Budyšinje přeprošeni. Přizjewjenja přijimuja hač do póndźele, 26. decembra, online.

Zarjadowanje bu wotprajene.
wjace
Klětu wotměja so w Smochčanskim kubłanišću swjateho Bena zaso tři seminary k přihotej na sakrament mandźelstwa. Prěni budźe wot pjatka do soboty, 3. do 4. měrca. Přizjewjenja přijimuja hač do srjedy, 25. januara, online.
wjace
Z podpěranjom ponowjenja Baćońskich pišćelow chce Towarstwo Cyrila a Metoda z.t. (TCM) wšěch katolskich Serbow znowa do zhromadneho skutka wjesć. Štóž chcył k tomu přinošować, njech přepokaza swój dar na konto TCM.
kontowe čisło TCM - hesło: Baćoń
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
přizjewić so

Serbska protyka

wjace
Prev PostKatolski Posoł – 25. Dezember 2022
Next PostBože słužby w serbskej rěči na hodownych swjatych dnjach