Katolski Posoł – 22. oktobra 2023
Wo situaciji křesćanow w kraju, kotryž steji w srjedźišću lětušeje swětoweje misionskeje njedźele, pisa awtor w swojim zawodnym nastawku. Mjez druhim wón rozłoži, kotru rólu politika při tym hraje.
Skupina dorosćenych je po serbskich slědach w Praze po puću była. Na dompuću wobhladachu sej tež něhdyši cistercienski klóšter w sewjeru susodneho kraja.
Pomnik swjateju Cyrila a Metoda pola Stróžišća je zaso zwuporjedźany. Dołho
běchu zamołwići towarstwa, kotrež je po swjatymaj pomjenowane, někoho za tónle nadawk pytali.
Za mjeztym 45lětnu słužbu jako wosadny farar su wěriwi serbskemu duchownemu gratulowali a so jemu za nju dźakowali. Mjez druhim pokaza čłonka wosadneje rady na mnohostronskosć nadawkow, kotrež wón wukonja.
Róžowc běše 25 dźěćom a sedmjom dorosćenym pućnik po prózdninskej jězbje. Mjez druhim krosnowachu w Moritzburgskim parku a zhonichu tójšto zajimaweho kołowokoło awtow.
Jurij Łušćanski bu w Smochčanskim kubłanišću swjateho Bena z Mytom Ćišinskeho počesćeny. W swojej lawdaciji hódnoćeše rěčnica jeho talenty a mnohe aktiwity, z kotrymiž bóle za ćichim skutkuje.
Blisko Worklec bu nimale pozabyty křiž ponowjeny a znowa poswjećeny. Postajić dała běše jón něhdy we wsy bydlaca hrabinka.
Modlitwa wo měr w Swjatym kraju
Dekanatne dušepastyrstwo
přeprošuje wšitke dźěći,
kotrež so na prěnje swjate
woprawjenje přihotuja,
na zhromadny dźeń srjedu,
22. nowembra, wot 9.00 do
15.00 hodź. do Njebjelčic.
Přizjewjenja přijimuja hač do srjedy, 8. nowembra,
online.
Pomnik žiweje serbskeje rěče a hłuboko zakorjenjeneje wěry, tradicije a mjezsobneje zhromadnosće mjenuje recensent dwurěčnu knihu „Mór a lubosć“. Wón tež přeradźa, što je jemu do woči sapało. Zajimcy móža sej knihu pola časnikarja Jürgena Njeka kaž tež w Zahrodnikec pjekarni w Chrósćicach, w apotece w Pančicach-Kukowje, w Smochčanskim kubłanišću swjateho Bena, w redakciji Katolskeho Posoła w Budyšinje kaž tež pola Rafaela Ledźborja w Ralbicach kupić.
Předstajenje hry móža sej zajimcy tež jako film wobhladać. Wón je w interneće přistupny.
Serbska protyka
