Katolski Posoł – 18. oktobra 2026
Patronej lěkarjow a wuměłcow wěnuje so awtor zawodneho nastawka. Wón mjenuje jeho tež posoła Božeho.
Nowy duchowny poskitk je redakciski team Dekanatneho dušepastyrstwa za młodźinu we Worklecach spřihotował. Wotnětka móža so zajimcy krasnosćiwy róžowc w serbskej rěči sobu modlić, kotryž je online wozjewjeny.
Na zahrodźe klóštra Marijineje hwězdy w Pančicach-Kukowje wotmě so druhi raz nazymski dožiwjenski dźeń za swójby. Tam móžachu wjele dožiwić a tež něštožkuli sami zhotowić.
Klawnaj staj na projektnym dnju w třoch wosadach wjace hač sto dźěći so smjeć dali, z tym pak staj jim wažnje poselstwa za žiwjenje sposrědkowałoj. Dźeń měješe k jich skrućenju słužić.
Jednaćelski předsyda Hornjołužiskeho zwjazka Carity z.t. w Budyšinje rozłožuje w interviewje přičiny zawrjenja Kamjenskeje socialneje stacije, štož tež tójšto Serbow potrjechi. Tu su před 36 lětami jedyn Němc a třo Serbja załožili.
Lětuše Myto Domowiny dósta lětsa mjez druhim sobustaw Maćicy Serbskeje kaž tež Towarstwa Cyrila a Metoda z.t. Wón so tež njemało za Katolski Posoł angažuje.
Składnostnje klětušeje 500. róčnicy historiskeho zakitowanje bamža – Sacco di Roma – wopomina tole Šwicarska garda w lěće 2027. Serbscy křižerjo na putnikowanju do Roma su te stron Šwicarskeje přeprošeni, so na tym wobdźělić. Zajimowani móža so za jězbu hišće hač do kónca oktobra přez stronu www.posol.de přizjewić.
Angažowanaj mandźelskaj swjećitaj tutón njedźelu žadny jubilej. Hačrunjež staj runje na kwasnym dnju dóńt dožiwiłoj, staj hižo dlěje hač šěsć lětdźesatkow zbožowny por.
Při pólnym pućiku na směr Miłoćicy steji wotnětka nowy pomnik wěry. Na tym městnje hižo raz tajki steješe.
Ewangelske nabožne wusyłanje w Serbskim rozhłosu MDR ma tutu njedźelu, 18. oktobra, farar Thomas Haenchen z Bukec.
Młodźi dorosćeni w starobje 18 do 35 lět su na kubłansku jězbu klětu wot pjatka do njedźele, 15. do, 17. januara, do Winfriedoweho doma w Schmiedebergu přeprošeni. Při rozmołwach, kreatiwnych dźěłarničkach a wšelakich hrach změja woni składnosć nowych ludźi zeznać, nowe nazhonjenja zběrać a při tym sej swójsku wěru znowa wotkryć. Přizjewić móža so zajimcy online. Tam su tež płaćizny podate.
Wšitke dźěći, kotrež so na prěnje swjate woprawjenje přihotuja, su na zhromadny dźeń do Njebjelčic přeprošene. Tón budźe srjedu, 18. nowembra, wot 9.00 do 15.00 hodź. Započatk je z Božej mšu w cyrkwi, na kotruž su tež starši wutrobnje witani. Zajimcy njech so hač do wutory, 27. oktobra, přizjewja.
Seminar k přihotej na sakrament mandźelstwa wotměje so wot pjatka do soboty, 27. do 28. nowembra, w Smochčanskim kubłanišću swjateho Bena. Přizjewjenja Dekanatne dušepastyrstwo młodźiny we Worklecach online přijimuje.
Na digitalne zarjadowanje pod titulom „Nadźija na žiwjenskich mjezach. Liturgiski přewod w chorosći, mrěću a žarowanju“ přeprošuja Němski liturgiski institut, Katolska akademija Drježdźansko-Mišnjanskeho biskopstwa a partnerojo. Zarjadowanje wotměje so sobotu, 7. nowembra, wot 9.30 do 13.00 hodź. Wobdźělenje je tež jako jednotliwc abo jako skupina móžne. Zajimcy měli so za zarjadowanje online přizjewić.
Sakski krajny młodźinski chór pod nawodom z Kulowa pochadźaceho Serba Lukaša Čórlicha wuhotuje koncert w Kulowskej cyrkwi a to tutu sobotu, 17. oktobra, w 17.00 hodź. Zastup je darmotny, wo dary proša. Nazajtra, njedźelu, 18. oktobra, w 9.00 hodź. wobrubi spěwne ćěleso Božu mšu w Chróšćanskej cyrkwi.
Pod titulom „Zbrašenosć. Žana hranica! – Tysac lět nazhonjenjow – wot Hermanna chromeho hač do dźensnišeho“ přeprošuje wustajeńca do klóštra Marijineje hwězdy w Pančicach-Kukowje, so z tutej temu zaběrać. Wotewru ju wutoru, 20. oktobra, w 19.00 hodź. na Čerwjenej žurli klóštra. Wustajeńca wostanje w rumnosći mjez klóšterskim dworom a parkowanišćom hač do njedźele, 3. nowembra, přistupna a wšědnje wot 16.00 do 19.00 hodź. kaž tež po telefoniskim přizjewjenju pod čisłom (01 76) 87 85 20 69 wotewrjena.
Wšitcy młodostni a młodźi dorosćeni w starobje 18 do 35 lět – tež serbscy – su přeprošeni, so zhromadnje na europske zetkanje Taizéskeje zhromadnosće podać. Wone wotměje so wot póndźele, 28. decembra, do pjatka, 1. januara, we Łódźi.
Dalše pokiwy su w Powšitkownych wozjewjenjach podate.
Serbska protyka
