![](https://www.posol.de/wp-content/uploads/2023/05/2023-05-14__INTERNET-predloha-titul__135__-850x580.jpg)
Katolski Posoł – 14. meje 2023
Kak poprawom sam na nabožinu zhladuješ? Z tutym prašenjom zaběra so awtor w swojim zawodnym nastawku. K tomu pohnuła je jeho jedna ze znatych scenow filmowych stawiznow.
![](https://www.posol.de/wp-content/uploads/2023/05/01-1.jpg)
W Mnichowje zeńdźe so Centralny komitej katolikow Němskeje k swojej nalětnjej plenarnej zhromadźiznje. Na njej běchu mjez druhim tež sebjekritiske zwuki gremija słyšeć.
![](https://www.posol.de/wp-content/uploads/2023/05/02-1.jpg)
W sewjernej Čěskej wotmě so znowa wjacerěčne putnikowanje wujednanja. Mjez přitomnymi wěriwymi bě tež tójšto Serbow.
![](https://www.posol.de/wp-content/uploads/2023/05/03-1.jpg)
Na to, štož maja Jězus a wohnjowi wobornicy zhromadneho, skedźbni serbski duchowny w swojim prědowanju w Róžeńće. Tam běchu so kameradojo ze Zarjadniskeho zwjazka „Při Klóšterskej wodźe“ a ze susodnych gmejnow k swojej dźaknej Božej mši zhromadźili.
![](https://www.posol.de/wp-content/uploads/2023/05/04-1.jpg)
Oblatski pater Witalij Podolan z Ukrainy dźakuje so serbskemu towarstwu, kotrež je jim z pomocu pjenježnych darow transporter darił. Tón móža tam na mnohostronske wašnje zasadźeć.
![](https://www.posol.de/wp-content/uploads/2023/05/05-1.jpg)
Wo tym, štož myslenje bjez ruma a časa přesahuje, pisa serbski duchowny w dalšim přinošku swojeje serije „Wěra praktisce“. Wón pokazuje při tym na swjedźeń, kotryž cyrkej 40 dnjow po jutrach swjeći.
![](https://www.posol.de/wp-content/uploads/2023/05/06-1.jpg)
W Ralbicach je serbski duchowny nowy swjaty křiž poswjećił. Swójba postaji jón jako dźak za pomoc w nuzy.
![](https://www.posol.de/wp-content/uploads/2023/05/07-1.jpg)
Z radami bamža Franciskusa za młodych po puću do žiwjenja zaběra so serbski duchowny w swojim přinošku. Te wozjewi swjaty wótc před něšto lětami po biskopskej synodźe w lisće křesćanskim młodostnym z titulom „Christus vivit“ (Chrystus je žiwy).
![](https://www.posol.de/wp-content/uploads/2023/05/08.jpg)
Wo tym, štož čłowjekow wozboža, rěčeše diakon w Kulowje. Tam swjećachu dźěći, kubłarjo a dalši hosćo w tamnišej katolskej pěstowarni swjateje Marije zhromadnje mejski nyšpor.
![](https://www.posol.de/wp-content/uploads/2023/05/09.jpg)
Wo ideji štyrjoch přećelow pisa šuler Worklečanskeje zakładneje šule. Na kóncu nasta samo wjace, hač mějachu planowane.
![](https://www.posol.de/wp-content/uploads/2023/05/10.jpg)
„Kedźbu pasle! Kak prawicarscy ekstremisća a reichsbürgerojo demokratiju podrywaja“ rěka hesło zarjadowanja, na kotrež su wšitcy zajimcy, wosebje politisce angažowani, wobydlerjo, zastupjerjo gmejnskich radow kaž tež lokalnych organizacijow a institucijow přeprošeni. Wone wotměje so srjedu, 14. junija, wot 19.00 do 21.00 hodź. w Jakubetzowym wustawje w Kulowje.
![](https://www.posol.de/wp-content/uploads/2023/05/11_Seite_1.jpg)
Na putnikowanje z kolesom přeprošuje Smochčanske kubłanišćo swjateho Bena wšitkich zajimcow wot njedźele, 24. septembra, do njedźele, 1. oktobra. Nawod změjetaj farar Thomas Cech ze Žitawy a Alojs Rječka z Łužnicy.
![](https://www.posol.de/wp-content/uploads/2023/05/06.jpg)
Čłowječej noze stejitej w srjedźišću zarjadowanja za nanow a jich dźěći, kotrež wotměje so wot pjatka do njedźele, 16. do 18. junija, w Smochčanskim kubłanišću swjateho Bena. Přizjewjenja přijimuja w Smochćicach.
![](https://www.posol.de/wp-content/uploads/2023/05/07.jpg)
We Worklečanskim Don Boskowym domje poskića dalekubłanje na polu prewencije před seksualizowanej namocu. Přizjewjenja přijimuja hač do póndźele, 5. junija.
![](https://www.posol.de/wp-content/uploads/2023/04/13.jpg)
Wšelake hódančka a dalše zaběry za dźěći su tule přistupne.
![](https://www.posol.de/wp-content/uploads/2023/05/5-dzeci.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)