• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 23. oktobra 2022

deutsch >>>

W aktualnym wudaću nańdźeće mjez druhim tole:​

Najprjedy ja, pisa awtor zawodneho nastawka. Wón poćahuje so na misionsku njedźelu, njemysli pak při tym jenož na daloke kraje.
Bamž Franciskus chce po wšěm swěće so wotměwacy synodalny proces katolskeje cyrkwje wo lěto podlěšić. Sekretariat synody zdźěli hnydom po připowědźenju bamža, z čim to zwisuje.
Direktor Drježdźansko-Mišnjanskeho diecezanskeho zwjazka Carity je nětko přidatnje tež za jedyn wobłuk w Němskim zwjazku Carity přisłušny. W nim dźěła po wšěm kraju nimale 700.000 sobudźěłaćerjow.
„Njerozfórmanjamy sakramenty.“ To praji Lipšćanski propst, kotryž ma za tych, kotřiž su z cyrkwje wustupili, wosebity poskitk. Zdobom je hotline zarjadował.
Za pisany poskitk Worklečanskeje dnjoweje hladarnje su seniorojo dźakowni. Po prěnim lěće wobstaća sćahnychu zamołwići prěni rezimej.
wjace fotow
Caritas pyta hladanski personal. Zdobom pak su w někotrych zarjadnišćach městna za wužiwarjow swobodne, rjekny jednaćel Hornjołužiskeho zwjazka Carity.
Kak w Róžeńće swjedźenje na česć swjateje Marije swjeća, wopisuje něhdyši Chróšćanski farar Jan Wjenka, jako bě hišće student. Wón podawa kulturno-historiski pohlad do zašłosće hnadowneho městna we Łužicy.
Wito Bejmak je transformator serbšćiny do digitalneje doby. Tak hódnoćeše jeho lawdatorka Judit Šołćina. Wón bu wón we Łazu z Mytom Zejlerja počesćeny.
wjace fotow
Za saněrowanje Chróšćanskeje cyrkwje je wosada 360.000 eurow dóstała. Runje na dnju kulowatych narodnin wosadneho fararja přepoda jemu statna sekretarka Barbara Meyer na nyšporje přizwolenje.
wjace fotow
W Róžeńće zanjese čěski chór Cantus Amici misu w starej čěšćinje, kotruž ani dźensniši Češa zrozumili njebychu. W Ralbicach wobrubi cyrkwinski chór Božu mšu.
wjace fotow
Krasnu přirodu, gigantiske cyrkwje a nazhonjenje, kak złamny a bjezmócny čłowjek je, měješe skupina Serbow, kotraž poda so na wjacednjowsku jězbu do zapada Němskeje. Mjez druhim pobychu na městnje, hdźež su Serbja před lětom financielnu podpěru pósłali.
wjace fotow
W Berlinje njesechu w procesionje z něhdźe 3.500 wěriwymi postawu maćerje Božeje hač pod Braniborske wrota. Wjacori Serbja so na tym wobdźělichu – a mějachu wosebitu postawu swjateje Marije sobu.
wjace fotow
Při Lipšćanskej propstowskej cyrkwi su křesćenjo z centruma města znamjo postajili. Wone poćahuje so na demonstracije před 33 lětami kaž tež nětkole.
Konsekwentnosć a miłosć wuznamjenještej wučerku Angelu Langerowu z Budyšina. Po sćerpnje znjesenej chorosći je wona do wěčneje radosće wotešła.
Z podpěranjom ponowjenja Baćońskich pišćelow chce Towarstwo Cyrila a Metoda z.t. wšěch katolskich Serbow znowa do zhromadneho skutka wjesć. Ze swojej akciju „Łužica pomha“ chce nimo toho za Caritu w Ełku wěcne dary zběrać.
Smochčanske kubłanišćo swjateho Bena poskićuje wot póndźele do štwórtka, 7. do 10. nowembra, senioram dny rozpominanja. Mjez druhim póńdźe wo aktualne połoženje cyrkwje, wo to, kak Bóh dźensa ludźi do swojeje słužby powoła, ale tež wo poměr katolskeje cyrkwje k druhim nabožinam.
flyer
přizjewić so

„Wzajomnje so zrozumić – partnersce komunikować“ rěkatej kursaj za pory, kotrež chcedźa swój poćah skrućić. Wonej wotmějetej so wot pjatka do njedźele, prěni wot 25. do 27. nowembra, druhi klětu wot 13. do 15. januara, w Smochčanskim kubłanišću swjateho Bena. Zajimcy měli so hač do pjatka, 11. nowembra, respektiwnje 3. januara online přizjewić.

flyer
přizjewić so
Spěwohra „Z TOBU – Bohu swjećene lěto“ předstaji so hišće trójce, a to tutu njedźelu, 23. oktobra, kaž tež njedźelu a póndźelu, 30. a 31. oktobra, stajnje w 16 hodź. Předstajenja so simultanje do němčiny přełoža. Kartki předawaja so pola časnikarja Jürgena Njeka w Chrósćicach abo online. kartki sej skazać
kartki sej skazać

W dekanatnym dušepastyrstwje za dźěći a młodźinu we Worklecach ma so 1. januara 2023 dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do póndźele, 24. oktobra, móžne.

dalše informacije
Dekanatne dušepastyrstwo přeprošuje wšitke dźěći, kotrež so na prěnje swjate woprawjenje přihotuja, na zhromadny dźeń srjedu, 16. nowembra, do Njebjelčic. Přizjewjenja přijimuja so hač do wutory, 1. nowembra.
k přizjewjenju
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
k přizjewjenju

Serbska protyka

wjace
Prev PostKatolski Posoł – 16. Oktober 2022
Next PostPřepodaće spěchowanja za ponowjenje Chróšćanskeje cyrkwje

Najnowše přinoški

  • Katolski Posoł – 2. apryla 2023
  • Katolski Posoł – 26. měrca 2023
  • Katolski Posoł – 19. měrca 2023
  • Katolski Posoł – 12. měrca 2023
  • Katolski Posoł – 5. měrca 2023

Archiwy

  • Měrc 2023
  • Februar 2023
  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

31.03.2023 / Katolski Posoł - aktualne
Katolski Posoł – 2. apryla 2023
24.03.2023 / Katolski Posoł - aktualne
Katolski Posoł – 26. měrca 2023
17.03.2023 / Katolski Posoł - aktualne
Katolski Posoł – 19. měrca 2023

Časopis katolskich Serbow

…

zašłe wudaća

  • Katolski Posoł – 2. apryla 2023

    měr 31, 2023

  • Katolski Posoł – 26. měrca 2023

    měr 24, 2023

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions