Katolski Posoł – 7. junija 2026
Jako pjećlětna zhubi Juliana swojeju staršeju a namaka wućek na njewšědnym městnje. Wobdata wot wustorčenych a chorych měješe wiziju, z kotrejež wuznamny swjedźeń cyrkwinskeho lěta nasta. Awtorka zawodneho nastawka rozjasnja, čehodla je tuta stawizna runje dźensa njewočakowano aktualna.
Jutrowna radosć Baćońskeje wosady bu lětsa wot njewočakowaneho njezboža zaćěmnjena. Awtor wopisuje potrjechenosć mjez wěriwymi a wuzběhny, kotre znamjo křesćanskeje solidarnosće so jenož w běhu něšto hodźin sta.
Na mejskim pišćelowym koncerće njedźelu Swjateje Trojicy prezentowaše Budyski tachantski organist Kamil Maksymilian Kulawik zwukowe móžnosće noweho instrumenta. Tón wobsteji z wjacorych dźělow.
Biskop Heinrich Timmerevers diakona, kotryž je w Hornjej Łužicy wotrostł, na měšnika wuswjećił. Nazajtra je swoju primicu swjećił.
Na jewišću hišće njepředstajenu kompoziciju kaž tež dźěła nimale njeznateho serbChwalbna hudźba, wotewrjene swědčenja wěry a tysacy křesćanow rozdźělnych konfesijow pod jednej třěchu: takle dožiwi młoda Serbowka konferencu „AuGEN:BLICK“ w Lubiju. Při tym pisa, zo móže konkretne prašenje nowe perspektiwy pokazać a překwapjace dohlady do wěry zmóžnić. skeho komponista móža přihladowarjo a připosłucharjo na lětušim hudźbnym swjedźenju w awgusće w Smochčanskim kubłanišću swjateho Bena dožiwić. Zhromadnje ze Serbskim ludowym ansamblom přeprošuje wone tónraz na „Serbskej nocy“.
Samostejacy ze serbskich wosadow su sej na wjacore městna w Hornjeje Łužicy wulećachu. Najprjedy čakachu na nich žony, pozdźišo wysoki cyrkwinski zastojnik.
Mjez ptačim spěwanjom, nimo jěducym traktorom a wšelakimi hłosami wobydlerjow sta so mejski nyšpor při Smječkečanskim Domje swjateho Jana za serbskeho hólčeca z wosebitym dožiwjenjom Wón pisa tež wo tym, štož jeho najbóle zwjeseli.
Z nyšporom při kapałce w Boranecach so w Radworskej wosadźe rjad mejskeho modlenja zakónči. Wjace hač 20 wěriwych so kónc meje zetka, mjez nimi wjele dźěći.
Młodostni ze wšeho Drježdźansko-Mišnjanskeho biskopstwa – tež serbscy, tež serbscy młodostni Kulowskeje wosady – su přeprošeni, pěši abo z kolesom zhromadnje do klóštra Marijineje hwězdy w Pančicach-Kukowje putnikować. Po mnohich lětach zetka so młodźina cyłeje diecezy z tym zaso raz we Łužicy – a to sobotu a njedźelu, 13. a 14. junija.
Na lětušim putnikowanju dźěći ze wšeho biskopstwa do Róžanta, kotrež budźe srjedu, 8. julija, wobrubitej zhromadny dźěćacy chór Drježdźansko-Mišnjanskeho a Zhorjelskeho biskopstwa kaž tež projektowy chór serbskich dźěći Božu mšu a nyšpor. Dźěći, kotrež chcedźa tón dźeń w serbskim chórje sobu spěwać, su lubje witane. Spěwy nazwučuja sobotu, 20. junija, wot 9.00 do 11.00 hodź. a sobotu, 4. julija, wot 10.00 do 11.30 hodź. we Worklečanskim Don Boskowym domje. Wobě probje stej wuměnjenje za spěwanje w projektnym chórje. Přizjewjenja přijimuja hač do póndźele, 15. junija, online.
Drježdźansko-Mišnjanske biskopstwo startuje nazymu nowe, lěto trajace wukubłanje, kotrež ludźi za to kwalifikuje, spirituelny poskitk „Eksercicijow we wšědnym žiwjenju“ samostatnje přewodźeć. Kurs měri so na hłownohamtskich pastoralnych sobudźěłaćerjow runje tak kaž tež na angažowanych čestnohamtskich katolskeje cyrkwje a ewangelskeje krajneje cyrkwje. Wukubłanje wupřestrěwa so wot septembra 2026 hač do nowembra 2027 a wopřijima zeznawanski dźeń, štyri prezencne module w Drježdźanskim Domje Wysoke duby kaž tež prawidłowne digitalne zetkanja k pohłubšenju. K wuměnjenjam za wobdźělenje słušeja minimalna staroba 25 lět, wosobinske nazhonjenje eksercicijow kaž tež zwólniwosć, po kwalifikaciji wotpowědne poskitki poskićeć. Zajimowani móža so za požadansku proceduru na nawodnistwo kursa wobroćić, kotrež wobsteji z franciskanskeje sotry Petry Marije Brugger a fararja Gregora Giele. Zajimcy měli so hač do srjedy, 1. julija, pak na mailku petramaria.brugger@bddmei.de abo g.giele@gmx.de přizjewić.
Mjeztym 90. literarna kofejownja Budyskeho ekumeniskeho tachantskeho wobchoda budźe srjedu, 10. junija, w rumnosćach Budyskeje wokrjesneje ludoweje uniwersity, Wulka Bratrowska hasa 6. Započatk je w 19.00 hodź. Něhdyši intendant Serbskeho ludoweho ansambla Wolfgang Rögner předstaji swoju prěnju publikaciju „Die phantastischen Abenteuer des Malte Blomberg“. Po čitanju změja zajimcy přiležnosć, sej knihu kupić a wot awtora signować dać. Zastup je darmotny, wo dary proša.
Budyski Serbski muzej přeprošuje na „Kofej w třoch“. Srjedu, 17. junija, w 15:00 hodź. budźe tam dr. Lubina Malinkowa, wědomostna sobudźěłaćerka Serbskeho instituta, k temje „Z Łužicy do swěta. Serbscy misionarojo“ přednošować. Něhdźe 70 žonow a muži ze serbskeje Łužicy běše so w 18. a 19. lětstotku z ewangelskich Serbow na misionsku słužbu podało. W nadawku Ochranowskeje bratrowskeje jednoty skutkowachu w Grönlandskej a Labradorje, w Surinamje a Africe. Doma pak wustupowachu na misionskich swjedźenjach a dźělachu swoje nazhonjenja z dalokeho swěta. Referentka poda so w duchu na slědy serbskich misionarow w zamórskich krajach a we Łužicy. Nimo toho zhonja wopytowarjo mjez druhim, što so za něhdyšej tibetskej zběrku w Serbskim muzeju chowa. Dr. Lubina Malinkowa přednošuje tam w rjedźe „Sorabistika po puću“.
Katolske nabožne wusyłanje w Serbskim rozhłosu MDR ma tutu njedźelu, 7. junija, farar
Gabriš Nawka z Kulowa. Wotkaz na nabožne wusyłanje w mediatece MDR je pod
www.posol.de podaty, zdobom chowa so za QR-codom.
Lětuše putnikowanje młodźiny do Krupki je wot njedźele do pjatka, 26. do 31. julija. Putniske kemše w Krupce budu srjedu, 29. julija, w 10.00 hodź. Štóž chcył kemši z busom sobu jěć, měł so w Radworskim Šmitec-Schwarzec wozydłownistwje přizjewić, telefonowe čisło (03 59 35) 28 60.
Dekanatne dušepastyrstwo za dźěći a młodźinu we Worklecach přeprošuje šulerki a šulerjow nětčišeho 4. do 8. lětnika w lětnich prózdninach na jězbu do Zhorjelca. Wona wotměje so wot póndźele do pjatka, 3. do 7. awgusta. Přizjewjenja přijimuja hač do njedźele, 31. meje, online.
Na modlenje před Najswjećišim su wěriwi sobotu, 20. junija, we 18.00 hodź. do Róžeńčanskeje hnadowneje cyrkwje přeprošeni. Paćerje budu w serbskej a němskej rěči spěwane.
Chór Meja přeprošuje na swój lětni koncert, kotryž budźe njedźelu, 28. junija, w 16.00 hodź. na farskej zahrodźe w Radworju. Wot 15.30 hodź. poskića swačinu. Jako hosći su sej lětsa dźěći rejwarskeje skupiny Łužičanka přeprosyli.
Sekcija swójby Towarstwa Cyrila a Metoda z.t. (TCM) přeprošuje dźěći 4. a 5. lětnika, so sobotu, 13. junija, zhromadnje z klóšterskim hajnikom Guidom Budarjom z Božej stwórbu bliže zeznajomić. Wone zetkaja so w 10.00 hodź. w Smječkecach při hajnkowni, Winicowa 13 (Weinbergstraße), hdźež so zarjadowanje w 14.00 hodź. tež skónči. Wottam podadźa so pěši na puć po lěsu, zo bychu Božu stwórbu widźeli, słyšeli a čuli. Za to trjebaja krute črije a wotpowědnu drastu. Pućowanje wotměje so tež při špatnym wjedrje. Mjez druhim móža wobdźělnicy štomiki a druhe rostliny sadźeć. Přinošk wučinja tři eura na dźěćo. Wobdźělić móže so jeničce 20 dźěći.
Radworske Šmitec-Schwarzec wozydłownistwo přeprošuje na putnisku jězbu k pasionskim
hram do awstri skeho St. Margarethena, kotraž so wot pjatka do wutory, 26. do
30. junija, wotměje. Předstajenje budźe tam pod hołym njebjom před kulisu skały. Nimo
toho poskićuja kołojězby. Zajimcy móža so pola Šmitec-Schwarzec wozydłownistwa
w Radworju přizjewić, telefonowe čisło (03 59 35) 28 60. Městna su hišće swobodne.
Dalšu jězbu Radworskeho Šmitec-Schwarzec busoweho předewzaća pod hesłom „Wěra zetka hudźbu“ budźe wot póndźele do štwórtka, 10. do 13. awgusta, do Erfurta. Wobdźělnicy wopytaja mjez druhim klóšter awgustinow a tamniši měšniski seminar. Dale wobdźěla so na Erfurtskich domowych swjedźenskich hrach, hdźež předstaja musical „Jesus Christus Superstar“. Přizjewjenja přijimuje Šmitec-Schwarzec wozydłownistwa w Radworju, telefonowe čisło (03 59 35) 28 60. Městna su hišće swobodne.
Drježdźanska katedrala Najswjećišeje Trojicy bu před 275 lětami poswjećena. K tomu su w diecezy wobšěrny program z hudźbnymi předstajenjemi a čitanjemi zestajeli. Wjeršk ma swjatočna Boža mša w juniju z biskopom Heinrichom Timmereversom być.
Serbska protyka
