Katolski Posoł – 15. februara 2026
Jězus njeje spodobny typ, kiž móhłrjec woči přede wšěm, štož ludźo činja, začini. Na to skedźbnja awtor zawodneho nastawka a pokaza na to, zo napomina samo upgrade za moraliski kompas.
Na generalnej awdiency srjedu, 11. februara, w Romje je bamž Leo XIV. 60 družkow a 40 hotowańčow postrowił a so z nimi fotografować dał. Chróšćanski farar Měrćin Deleńk, kotryž je serbsku skupinu nawjedował, přepoda swjatemu wótcej wudaće Serbskeho misala. Wjace wo tym za tydźeń.
Nowa Diecezanska pastoralna rada je z klawsurnym posedźenjom w Smochćicach startowała. Při tym su zastupjerjo předewšěm słuchali, město jenož wuradźowali.
Na kóždeho, kotryž so na dźeń archiwow do Budyskeho poda, čaka wosobinski highlight. Tole přilubja nawodnica Serbskeho kulturneho archiwa dr. Annett Brězanec składnostnje tohole dnja w interviewje za Katolski Posoł.
telefonowe čisło: (0 35 91) 49 72 33
mailowa adresa: annett.bresan@serbski-institut.de
Wo Božej stwórbje w kolebce čłowjestwa pisa Alena Bětnarjec w třećim dźělu swojeje serije. Při tym poćahuje so mjez druhim na spočatki čłowjestwa a na móc Božeje stwórby.
Sydom darow Ducha Swjateho su tema lětušich póstnych prědowanjow w katolskich serbskich wosadach. Sydom serbskich duchownych so jim wěnuja – kóždy z nich jednomu z darow.
Serbowka, kotraž je mjez druhim arabšćinu studowała,je wotnětka nowa sobudźěłaćerka Katolskeho Posoła. Ale to njerěka, zo je redakcija přidatne dźěłowe městno dóstała. Skerje wuruna wona wone poł dźěłoweho městna, kotrež dotalna sobudźěłaćerka wot spočatka lěta mjenje dźěła.
Lěto po misionje přeprošuje Radworska wosada na dodatny mision z patrami Hünfeldskich oblatow. Tón wotměje so wot pjatka, 27. februara, do njedźele, 1. měrca.
W Smochčanskim kubłanišću swjateho Bena wotměje so tež lětsa ekumeniski póstny seminar. Po štyrjoch póndźelach wěnuja so referenća tónraz temje „Najebać wšeho … za cyrkej rady skutkować“.
Tradicije Serbow a jich dźensniše žiwjenje steja w srjedźišću dalšeho zarjadowanja w rjedźe „Přijomnosć & kultura“ w klóšterskej kofejowni swjateho Michała w Pančicach-Kukowje. Wone wotměje so sobotu, 21. februara. Započatk je w 17.00 hodź. Referent budźe předsyda Domowiny Dawid Statnik. Zastupne lisćiki za płaćiznu 30 eurow dóstanu zajimcy jeničce w předpředani w klóšterskej pjekarni kaž tež kofejowni swjateho Michała, telefonowe čisło (03 57 96) 9 94 43.
Na tři jězby do Erfurta, sewjerneje Němskeje a Awstriskeje přeprošuje Radworske Šmitec-Schwarzec wozydłownistwo lětsa w běhu lěta. Nadrobniše informacije nańdu zajimcy w Powšitkownych wozjewjenjach.
Drježdźansko-Mišnjanske biskopstwo přeprošuje wšěch, kotřiž čestnohamtsce w chórach spěwaja, je nawjeduja, w cyrkwi kantorja, abo na instrumentach hraja respektiwnje chcedźa to přichodnje rady činić, na dalekubłanje. Wone budźe wot pjatka, 27. februara, do njedźele, 1. měrca, w Smochčanskim kubłanišću swjateho Bena. Za to měli so do toho přizjewić.
Pod hesłom „Zhromadnje po puću“ steji putniska jězba do Israela, kotraž wotměje so wot póndźele do póndźele, 2. do 9. nowembra. Přewodźeć budu ju cistercienski pater dr. Johannes Müller a Enrico Scholze z Hellendorfa. Jězbu poskića zhromadnje z pućowanskim běrowom Scuba-Reisen ze Stuttgarta. Přizjewjenja su hač do pjatka, 7. awgusta, móžne. Ličba městnow je wobmjezowana.
Projekt Lipšćanskeje uniwersity „Wobydlerjo činja žurnalizm“ přeprošuje wosoby wot 18 lět ze Sakskeje, so z wobydlerskim žurnalistom stać a wo temach ze swojeho regiona rozprawjeć, wo kotrychž hewak nichtó njerěči. Wobdźělenje je darmotne, nježada sej žane předznajomosće a ma so derje z powołanjom a swójbu zjednoćić dać. Zajimcy měli so hač do soboty, 28. februara, z mejlku na buergerjournalismus@uni-leipzig.de přizjewić. Ličba městnow je wobmjezowana. – wjace
Ambulantna hospicna słužba Hornjołužiskeho zwjazka Carity z.t. w Kamjencu poskićuje lětsa zaso kurs k čestnohamtskemu přewodźenju ćežkochorych a mrějacych. Za to trěbnu wědu posrědkuja w zakładnym kursu, kotryž wotměje so wot 4. měrca hač do 18. apryla trójce srjedu wot 17.00 do 20.00 hodź. kaž tež trójce sobotu wot 9.00 do 15.00 hodź. Na to sćěhuje dohromady 20hodźinski praktikum z dalšimi štyrjomi zetkanjemi. Pohłubšacy kurs je w septembru planowany. Štóž chcył wukubłanje absolwować, měł so pola hospicneje słužby Carity w Kamjencu pod telefonowym čisłom (0 35 78) 37 43 12 abo z mejlku na hospiz@caritas-oberlausitz.de přizjewić. Flajer z dalšimi informacijemi a terminami je pod www.posol.de podaty.
Seminar k přihotej na sakrament mandźelstwa wotměje so pjatk a sobotu, 27. a 28. februara, w Smochčanskim kubłanišću swjateho Bena. Přizjewjenja su online móžne.
Serbska protyka
