• +49 (0) 03591 550212
  • katolski@posol.de
  • wotydźenja: 08:00 – 16:00 hodź
Katolski Posoł Katolski Posoł
  • Nowosće
  • Archiw
  • Wo nas
    • Redakcija | Redaktion
    • wudawaćel | Herrausgeber
    • Stawizny

Katolski Posoł – 2. oktobra 2022

deutsch >>>

W aktualnym wudaću nańdźeće mjez druhim tole:​

Wo ručnej wěrje za puć pisa awtor w swojim zawodnym nastawku. Zdobom wón k tomu pozbudźa, sej tule wěru, kotraž móže křesćanej z přewodnikom być, znowa wotkryć.
Towarstwo Cyrila a Metoda z.t. (TCM), Spor­to­wa je­dnot­ka 1922 Ra­dwor kaž tež tamniši młodźinski klub přeprošuja sportowcow wšěch starobnych sku­pin wot šěsć lět na běh wo pokal zbóžneho Alojsa do Ra­dworja. Tutón wotměje so póndźelu, 3. oktobra. Zajimcy měli so online při­zjewić.
k přizjewjenju
W Recklinghausenje wotmě so lětsa 13. raz Cyrkwinski filmowy festiwal. Wopytowarjo dožiwichu hrajne a dokumentarne filmy k wšelakim temam kaž čłowjeskosć, sobuželnosć, etika, sprawnosć a solidarita.
wjace

Mjeztym 17. raz podachu so wobydlerjo Marije-Marćineho domu w Pančicach-Kukowje na swój tradicionelny wulět. Někotři z wodźerjow motorskich přijědźechu k tomu wospjet ze Sewjerorynsko-Westfalskeje do Łužicy.

wjace fotow

Towarstwo Cyrila a Metoda z.t. přeprosy lětsa znowa na nyšpor z požohnowanjom konjacych zapřahow do Chrósćić. W swojim prědowanju rozłoži serbski duchowny, w kim měli křesćenjo swoju identitu pytać.

wjace fotow

Na domchowance w Ralbicach njedźakowachu so pěstowarske dźěći jeničce za płody z polow a ze zahrodow, ale tež za něšto, štož je mnohim samozrozumliwe. Po kemšach přeprosychu młodostni a firmujomni kemšerjow na wosebite wašnje k swójbnemu wosadnemu swjedźenjej.

wjace fotow
Z pomocu spěchowanja sakskeho stata móžeše Budyski Serbski muzej lětsa wosebitu sćěnu restawrować dać. Tajke stajachu něhdy wokoło chorołoža.

W Nižozemskej zaklinčachu njedawno serbske zynki. Tam nastawa tuchwilu nowy zwón za jednu z wjesnych kapałkow Kulowskeje wosady. Skupinka wjesnjanow bě sej tam składnostnje leća zwona dojěła.

wjace fotow

Pod hesłom „Woda – žórło žiwjenja“ swjećachu wěriwi w Radworju domchowanku. Zhromadnosć hajachu tam tež po dwurěčnej Božej mši.

wjace fotow
W Kulowje swjeći tamniše arcybratstwo swjateho róžowca tutu njedźelu 350. róčnicu swojeho załoženja. We wosadnej cyrkwi maja hišće dźensa znamjo, kotrež dopomina na wony čas, jako arcybratstwo nasta.
Arcybratstwo swjateho róžowca
„Křesćan w dźensnišim času“ rěkaše hesło lětušich kubłanskich dnjow dekanatneje młodźiny w Schmiedebergu. Wobdźělnicy zaběrachu so mjez druhim z nadawkami křesćana a wobhladachu sej zhromadnje film.

Što ma italski swjaty z domchowanku činić? Wo tym pisataj Hańžka a Feliks. Zdobom móža so dźěći z pomocu hódančka z pěsnju zeznajomić, kotrejž je w Budyšinje zahroda wěnowana.

W dekanatnym dušepastyrstwje za dźěći a młodźinu we Worklecach ma so 1. januara 2023 dźěłowe městno w pastoralce za dźěći, wobmjezowane jako zastup za dobu staršiskeho časa, wobsadźić. Požadanja su hač do póndźele, 24. oktobra, móžne.

k přizjewjenju
Dekanatne dušepastyrstwo přeprošuje wšitke dźěći, kotrež so na prěnje swjate woprawjenje přihotuja, na zhromadny dźeń srjedu, 16. nowembra, do Njebjelčic. Přizjewjenja přijimuja so hač do wutory, 1. nowembra.
k přizjewjenju
Drježdźansko-Mišnjanske biskopstwo přeprošuje młodostnych a młodych dorosćenych wot 16 do 35 lět na swětowe zetkanje młodźiny do Lissabona. Serbska skupina budźe při tym dźěl diecezanskeje skupiny. Přizjewjenja přijimuja so hač do njedźele, 22. januara 2023, online.
dalše informacije
k přizjewjenju

Swoju premjeru změje nowa serbska spěwohra „Z TOBU – Bohu swjećene lěto“ pjatk, 21. oktobra, hakle w 19 hodź. w Chróšćanskej wjacezaměrowej hali „Jednota“. Kartki za cyłkownje pjeć předstajenjow předawaja so pola časnikarja Jürgena Njeka w Chrósćicach abo online.

kartki skazać
Na předstajenje duchowneho oratorija „Israelowa zrudoba a tróšt“ Korle Awgusta Kocora su zajimcy tutu njedźelu,  2. oktobra, w 17 hodź. do Budyskeje Marije-Marćineje cyrkwje přeprošeni. Zarjadowanje wotměje so we wobłuku Lěta Zejlerja a Kocora.
Na předstajenje swojeho jubilejneho koncerta přeprošuje Njebjelčanski cyrkwinski chór. Wón wotměje so sobotu, 8. oktobra, w 17 hodź. w Njebjelčanskej cyrkwi.

Serbska protyka

wjace
Prev PostKatolski Posoł – 25. September 2022
Next PostDomchowanka w Radworju

Najnowše přinoški

  • Katolski Posoł – 2. apryla 2023
  • Katolski Posoł – 26. měrca 2023
  • Katolski Posoł – 19. měrca 2023
  • Katolski Posoł – 12. měrca 2023
  • Katolski Posoł – 5. měrca 2023

Archiwy

  • Měrc 2023
  • Februar 2023
  • Januar 2023
  • December 2022
  • Nowember 2022
  • Oktober 2022
  • September 2022
  • Awgust 2022
  • Julij 2022
  • Junij 2022

Kategorije

  • Allgemein
  • Katolski Posoł – aktualne
    • Katolski Posoł – aktualne wobrazy
    • Katolski Posoł – aktualne (deutsch)

popularne wudaća

31.03.2023 / Katolski Posoł - aktualne
Katolski Posoł – 2. apryla 2023
24.03.2023 / Katolski Posoł - aktualne
Katolski Posoł – 26. měrca 2023
17.03.2023 / Katolski Posoł - aktualne
Katolski Posoł – 19. měrca 2023

Časopis katolskich Serbow

…

zašłe wudaća

  • Katolski Posoł – 2. apryla 2023

    měr 31, 2023

  • Katolski Posoł – 26. měrca 2023

    měr 24, 2023

dalše informacije

  • Nowosće
  • Archiw
  • Stawizny
  • Škit datow
  • Impresum
katolski@posol.de napisaj nam mailku
+49 3591 550212 zazwoń na nas
Póstowe naměsto 2 02625 Budyšin
Alle Inhalte sind © by Katolski Posoł 2022 | Technische Umsetzung CS active 2002 - Global Solutions