![](https://www.posol.de/wp-content/uploads/2023/04/2023-04_09__INTERNET-predloha-titul__135__-850x580.jpg)
Katolski Posoł – 9. apryla 2023 – jutry
![](https://www.posol.de/wp-content/uploads/2023/04/14_KP_09.04.2023__jutry__.jpg)
Žonu, kotraž přinjese druhim po Jězusowym zmortwychstanjenju wozbožace jutrowne poselstwo, předstaja awtor w swojim zawodnym nastawku. Mjez druhim wón zwuraznja, na kotre wašnje móže wona křesćanam z přikładom być.
![](https://www.posol.de/wp-content/uploads/2023/04/01.jpg)
W Chrósćicach zahajichu w martrownym tydźenju oficialnje přihot na 800lětny jubilej tamnišeje wosady kaž tež gmejny – runje 800 dnjow do jubileja. Widźomne znamjo skedźbnja wotnětka na swjedźeń za dwě lěće
![](https://www.posol.de/wp-content/uploads/2023/04/02.jpg)
Zemrětych pochować hódnoći awtor póstneje serije, kotraž so jutrońčku skónči, tež jako wěrywuznaće. Wón porěča z pochowarku, kotraž měješe fotowy wobchod, 22lětnym pochowarjom, kotryž nochcyše ničo druhe nawuknyć, a z najmłódšim serbskim tótku.
![](https://www.posol.de/wp-content/uploads/2023/04/03.jpg)
Podawk před 400 lětami w Radworju pokazuje, zo běše serbski jutrowny nałožk hižo dawno znaty. Serbski lěkar bě jón 1990 po swojich předstawach zwobraznił.
![](https://www.posol.de/wp-content/uploads/2023/04/04.jpg)
Poslednja nošerka narodneje drasty z Kulowskeje wosady je zemrěła. Hišće před 70 lětami bě jich tam 490 žonow, kotrež mějachu ju wšědnje zdrasćenu.
![](https://www.posol.de/wp-content/uploads/2023/04/05.jpg)
Kak móža křesćenjo jutrownje žiwi być, wo tym pisa awtor w dalšim dźělu swojeje serije „Wěra praktisce“. Wón k tomu pohnuwa, zo měli so kaž zemja k jutram wotewrěć, poćahujo so při tym na podawk, kotryž sta so w 14. lětstotku w dźensnišej Turkowskej.
![](https://www.posol.de/wp-content/uploads/2023/04/06.jpg)
Zwotkel pochadźa serbske pomjenowanje za najwjetši křesćanski swjedźeń, kotryž wěriwi tutu njedźelu swjeća? Wo tym pisa serbski duchowny w swojim přinošku.
![](https://www.posol.de/wp-content/uploads/2023/04/07.jpg)
W Pěskecach je so serbska dekanatna młodźina bołmončku křižowy puć modliła. Při tym rozpominachu wobdźělnicy swój poćah ke Chrystusej.
![](https://www.posol.de/wp-content/uploads/2023/04/08.jpg)
W Budyšinje woswjeći farar dr. Siegfried Foelz tele dny swoje 90ćiny. Duchowny je jedyn z třoch oratorianow, kotřiž bydlachu a skutkowachu mnohe lěta w Smochčanskim kubłanišću swjateho Bena.
![](https://www.posol.de/wp-content/uploads/2023/04/09.jpg)
Wo poslednim wobchadnym znamješku w swojej seriji, kotrež ma zdobom něšto z jutrami činić, pisataj Hańžka a Feliks. Dale zhonja dźěći wo nimale pozabytym jutrownym nałožku a móža so z pomocu hódančka z jutrownym poselstwom zaběrać.
![](https://www.posol.de/wp-content/uploads/2023/04/10.jpg)
Dołholětna kantorka w Němčanskej kapałce je woporniwje na dobro mnohich druhich ludźi skutkowała. Nětko je wona na prawdu Božu wotešła.
![](https://www.posol.de/wp-content/uploads/2023/04/11.jpeg)
Žaruja mužojo hinak hač žony? Tutomu a dalšim prašenjam kołowokoło smjerće a chowanja wěnuje so kniha Davida Rotha. Awtor přinoška je sej ju předčitał a ju čitarjam předstaja.
![](https://www.posol.de/wp-content/uploads/2023/04/12.jpg)
Klětu nazymu zahaja na Fachowej akademiji za wosadnu pastoralku w Magdeburgu nowy wukubłanski kurs za muži, kotřiž chcyli so ze stajnym diakonom w ciwilnym powołanju stać. Požadanja přijimuja hač do soboty, 30. apryla.
![](https://www.posol.de/wp-content/uploads/2023/03/12-2.jpg)
„… přez lěto, přez žiwjenje – rituale jako pomoc w žiwjenskich přechodach“ rěka hesło zarjadowanja, kotrež wotměje so sobotu, 22. apryla, w Smochčanskim kubłanišću swjateho Bena. Mjez druhim změja zajimcy po přeću składnosć, sej sami ritual za sebje abo za wosebitu žiwjensku situaciju wutworić.
![](https://www.posol.de/wp-content/uploads/2023/03/10a.jpg)
Serbska protyka
![](https://www.posol.de/wp-content/uploads/2022/06/protyka_logo_hsb.png)